Португалия терма жамоаси ЖЧ—2022 саралаш босқичининг 4-тури доирасида ўз майдонида Ирландияни мағлуб этди (2:1).
Учрашувнинг 89 ва 90+6-дақиқаларида мезбонлар ҳужумчиси Криштиану Роналду ўз номига иккита гол ёздириб қўйди. Шу тариқа 36 ёшли футболчи терма жамоадаги голлари сонини 111 тага етказди ва бу борада Эрон терма жамоасининг собиқ ҳужумчиси Али Даини (109) ортда қолдириб, жаҳон рекордини янгилади.
Шунингдек, Роналду Европа терма жамоаларида ўтказилган ўйинлар сони бўйича Серхио Рамоснинг рекордини такрорлади. Ирландияга қарши ўйин Криштиану учун терма жамоа либосидаги 180-учрашув бўлди, Рамоснинг ҳисобида ҳам худди шунча ўйин бор. Бу борада жаҳон рекорди 1969—1984 йилларда Малайзия терма жамоасида 195 та ўйин ўтказган Со Чин Аунга тегишли.
Мавзуга доир:
- Криштиану Роналду Али Даининг афсонавий рекордини такрорлади. Португалиялик тирик афсона бу натижага қай тариқа эришди?
- Фергюсондан қўнғироқ, Фернандешнинг маслаҳати ва 25 млн фунтлик маош. Роналдунинг «Манчестер Юнайтед»га қайтиши тафсилотлари
- Машҳур «стойка», Чемпионлар Лигасидаги сакраш ва илк «Олтин тўп». Криштиану Роналдунинг «Манчестер Юнайтед»даги энг эсда қоларли дамлари
Изоҳ (0)