Ўзбекистон мустақиллигининг 30 йиллиги муносабати билан Президент Шавкат Мирзиёев номига хорижий давлатлар ва ҳукуматлар, нуфузли халқаро ташкилотлар раҳбарлари, таниқли жамоат ва дин арбобларидан самимий қутловлар келмоқда, деб хабар беради давлат раҳбарининг матбуот хизмати.
Уларда хорижий ҳамкорлар Ўзбекистон билан истиқлол йилларидаги юксак муваффақиятларини алоҳида қайд этган. Кейинги йилларда демократик янгиланишлар, кўп миллатли халқнинг турмуш сифати ва фаровонлигини оширишга қаратилган кенг кўламли ижтимоий-иқтисодий ислоҳотлар дастурини амалга оширишдаги натижалар, шунингдек, янги Ўзбекистоннинг минтақадаги етакчи роли эътироф этилишига ва мамлакатнинг халқаро нуфузини мустаҳкамланишига хизмат қилаётган конструктив ва прагматик ташқи сиёсатни олиб боришдаги ютуқлар таъкидланган.
Мактубларда давлат раҳбарига янги муваффақиятлар, Ўзбекистон халқига эса тинчлик-осойишталик, фаровонлик ва равнақ тилаклари изҳор этилган.
Жаноби Олийлари!Мамлакатингиз мустақиллигининг 30 йиллиги муносабати билан Ўзбекистон Республикаси халқига энг эзгу тилакларимни билдиришга ижозат бергайсиз.
Ушбу мураккаб дамларда биз ҳар бир давлат умумий глобал фаровонликка эришиш йўлида ўз ҳиссасини қўшиши нақадар муҳим эканини яна бир бор англаймиз, ва шу муносабат билан Сизнинг Янги Ўзбекистонни барпо этиш борасидаги қатъий интилишингизни олқишлаймиз.
COVID-19 пандемияси оқибатларини енгиб ўтишда биргаликда ҳаракат қилар эканмиз, янада барқарор ва адолатли жамият барпо этиш учун тикланиш жараёнларидан фойдаланишимиз зарур. Шунингдек, иқлим ўзгаришлари соҳасидаги кечиктириб бўлмайдиган вазифаларни ҳал қилиш борасида дадил ҳаракат қилишимиз, Барқарор ривожланиш мақсадларига эришиш бўйича саъй-ҳаракатларни фаоллаштиришимиз керак.
Мустақиллик куни муносабати билан умид қиламанки, Ўзбекистон Республикаси Бирлашган Миллатлар Ташкилотининг янада мустаҳкам бўлишига ҳамда барча учун янада фаровон ва янада адолатли дунёни барпо этишга бундан буён ҳам кўмаклашади.
Жаноби олийлари, сизга бўлган юксак ҳурмат-эҳтиромимни қабул қилинг.
Антониу Гутерриш, БМТ Бош котиби
Ҳурматли Шавкат Миромонович!Ўзбекистон Республикаси мустақиллиги эълон қилинганининг 30 йиллиги муносабати билан самимий қутловларимни қабул қилгайсиз.
Мамлакатингиз иқтисодий ва ижтимоий тараққиёт йўлидан дадил бормоқда, жаҳон саҳнасида муносиб ҳурмат-эътиборга сазовор бўлиб, минтақавий ва халқаро ишларда конструктив рол ўйнамоқда.
Давлатларимиз ўртасидаги стратегик шериклик ва иттифоқчилик муносабатларини мустаҳкамлашга, барча йўналишларда сермаҳсул ҳамкорликни кенгайтиришга катта аҳамият қаратяпмиз. Бу Россия ва Ўзбекистоннинг дўст халқлари манфаатларига тўлиқ жавоб беради ҳамда Марказий Осиёда хавфсизлик ва барқарорликни таъминлаш мақсадига мосдир.
Сизга, муҳтарам Шавкат Миромонович, чин қалбимдан мустаҳкам соғлик ва муваффақиятлар, барча юртдошларингизга эса тинчлик-осойишталик, фаровонлик ва равнақ тилайман.
Ҳурмат билан,
Владимир Путин, Россия президенти
Ҳурматли Президент жаноблари!
Хитой Халқ республикаси ҳукумати ва халқи номидан ҳамда шахсан ўз номимдан Сизга ва дўст Ўзбекистон халқига Ўзбекистон Республикаси давлат мустақиллигининг 30 йиллиги муносабати билан самимий табрикларим ва энг эзгу тилакларимни билдиришга ижозат бергайсиз.
Мустақиллик қўлга киритилганидан буён ўтган 30 йилда Ўзбекистонда улкан ўзгаришлар рўй берди, халқ турмуш даражаси юксалди, республиканинг халқаро нуфузи кундан-кунга ортиб борди.
Сиз, Президент жаноблари, давлат раҳбари лавозимига киришганингиздан сўнг улкан муваффақиятларга эришдингиз, ислоҳотлар бўйича кенг кўламли кампанияни қатъий илгари суриб, янги тараққиёт режасини ишлаб чиқдингиз.
Янги Ўзбекистонни барпо этиш ишлари жадаллашмоқда, Марказий Осиёнинг барқарорлиги ва тараққиётига ижобий руҳ бағишламоқда. Хитой Ўзбекистонни унинг миллий шарт-шароитларига мос келувчи тараққиёт йўлидан боришда бундан буён ҳам қўллаб-қувватлайди ҳамда унинг миллий тараққиёт ва миллий тикланиш сари саъй-ҳаракатларида енг елкадош бўлишга тайёр.
Жорий йил апрель ойида биз сермаҳсул ва дўстона руҳда мулоқот қилдик, Хитой—Ўзбекистон стратегик ҳамкорлигини ҳар томонлама кенгайтириш бўйича янги ва муҳим келишувларга эришдик.
Мен Хитой—Ўзбекистон муносабатларини ривожлантиришга катта эътибор қаратмоқдаман, Сиз билан ишчан муносабатларимиз ва шахсий дўстлигимизни юксак қадрлайман. Хитой ва Ўзбекистон ўртасидаги ҳар томонлама стратегик шерикликни икки мамлакат ва халқ фаровонлиги йўлида доимий равишда ривожлантириш учун Сиз билан биргаликда ишлашга тайёрман.
Дўст Ўзбекистонга равнақ ва куч-қудрат, унинг халқига бахт-саодат ва фаровонлик тилайман.
Си Цзиньпин, Хитой раиси
Ҳурматли Президент жаноблари!Америка халқи номидан сизни ва Ўзбекистон халқининг мамлакатингиз мустақиллигининг 30 йиллиги билан табриклайман. Америка Қўшма Штатлари Ўзбекистоннинг суверенитети, мустақиллиги ва ҳудудий яхлитлигининг қатъий тарафдори бўлиб келган ва шундай бўлиб қолади.
Кейинги йилларда муносабатларимиз анча кенгайди, биз стратегик шериклигимиз ҳамда тинч, ўзаро боғланган ва барқарор минтақани асраш йўлидаги ҳамкорлигимиз чуқурлашишига умид қиламиз.
Шу билан бирга, бутун дунёдга COVID-19 га қарши кураш давом этмоқда, яқинда Америка Қўшма Штатлари томонидан COVAX дастури доирасида «Moderna» вакцинасининг 3 миллион дозаси етказиб берилгани Ўзбекистондаги вазиятнинг яхшиланишига салмоқли ижобий таъсир кўрсатишига умид билдираман.
Қўшма Штатлар сизнинг ушбу ташаббуслар доирасидаги шериклигингизни қадрлайди. Муносабатларимиз келажакда янада ривожланишига умид қиламиз.
Самимият ила,
Жозеф Байден, АҚШ президенти
Бундан ташқари, Марказий Осиё давлатларининг раҳбарларидан ҳам қутловлар етиб келган. Хусусан, Қозоғистоннинг биринчи президенти Нурсултон Назарбоев, Туркманистон президенти Гурбангули Бердимуҳамедов, Қозоғистон Президенти Қосим-Жўмарт Тўқаев, Тожикистон президенти Эмомали Раҳмон, Қирғизистон президенти Садир Жапаров Ўзбекистон халқига тинчлик-осойишталик, фаровонлик ва равнақ тилаган.
Туркия президенти Ражаб Тоййиб Эрдўғон Озарбайжон президенти Илҳом Алиев, Ҳиндистон бош вазири Нарендра Моди, Покистон бош вазири Имрон Хон, Жанубий Корея президенти Мун Чже Ин, Япония бош вазири Ёсихиде Суга, Германия президенти Франк-Валтер Штайнмаер, Франция президенти Эммануэль Макрон, Европа кенгаши президенти Шарл Мишелдан ҳам байрам табриклари келган.
Шунингдек, қуйидагилар ўз табрикларини йўллаган:
- Беларусь президенти — Александр Лукашенко;
- Саудия Арабистони подшоҳи, Икки муқаддас масжид ходими — Салмон бин Абдулазиз ал-Сауд;
- Бирлашган Араб Амирликлари президенти шайх — Халифа бин Зоид ал-Наҳаён;
- Миср президенти — Абдулфаттоҳ ас-Сиси;
- Эрон президенти — Иброҳим Раисий;
- Ўмон султони — Ҳайсам бин Ториқ ал-Саид;
- Фаластин президенти — Маҳмуд Аббос;
- Япония императори — Нарухито;
- Буюк Британия ва Шимолий Ирландия қироличаси — Елизавета II;
- Испания қироли — Филипп VI;
- Нидерландия қироли — Виллем-Александр;
- Австрия президенти — Александр Ван дер Беллен;
- Болгария президенти — Румен Радев;
- Венгрия президенти — Янош Адер;
- Латвия президенти — Эгилц Левиц;
- Польша президенти — Анжей Дуда;
- Португалия президенти — Марселу Ребелу де Соуза;
- Руминия президенти — Клаус Ёханнис;
- Сербия президенти — Александр Вучич;
- Финляндия президенти — Саули Ниинестё;
- Чехия президенти — Милош Земан;
- Швейцария президенти — Ги Пармелин;
- Эстония президенти — Керсти Калюлайд;
- Австралия Иттифоқи Генерал-губернатори — Дэвид Хёрли;
- Рим-католик черкови раҳбари — Франциск;
- Сингапур президенти — Ҳалима Яқуб;
- Шри-Ланка президенти — Готабая Ражапакса;
- Таиланд қироллиги бош вазири — Прают Чан-Оча;
- Саудия Арабистони Подшоҳлиги валиаҳди, Вазирлар Кенгаши раиси ўринбосари, мудофаа вазири — Муҳаммад бин Салмон бин Абдулазиз ал-Сауд;
- Бирлашган Араб Амирликларивице-президенти, бош вазири, Дубай амирлиги ҳокими шайх — Муҳаммад бин Рошид ал-Мактум;
- Бирлашган Араб Амирликлари Қуролли кучлари Олий бош қўмондони ўринбосари, Абу-Даби Амирлиги валиаҳди шайх — Муҳаммад бин Зоид ал-Наҳаён;
- Бирлашган Араб Амирликлари бош вазири ўринбосари, Президент ишлари бўйича вазири шайх — Мансур бин Зоид ал-Наҳаён;
- Бирлашган Араб Амирликлари бош вазири ўринбосари, ички ишлар вазири — Сайф бин Зоид ал-Наҳаён;
- Мустақил Давлатлар Ҳамдўстлиги Ижроия қўмитаси раиси – Ижрочи котиби Сергей Лебедев ;
- Иқтисодий ҳамкорлик ташкилоти бош котиби — Хусрав Нозирий;
- Жаҳон сайёҳлик ташкилоти бош котиби — Зураб Пололикашвили.
Изоҳ (0)