Ўзбекистонда коронавирус билан тўлиқ эмланганлар сони 1,9 млн кишидан ошди
Ўзбекистонда 31 август куни COVID-19 га қарши 291 160 доза вакцина қўлланилди, деб хабар бермоқда Соғлиқни сақлаш вазирлиги. Шундан 77 092 доза биринчи босқичда, 159 797 доза иккинчи босқичда ва 54 271 доза учинчи босқичда қўлланган.
Фото: ССВ матбуот хизмати
Шу кунгача Ўзбекистонда жами 14 629 853 доза вакцинадан фойдаланилган бўлиб, улардан 1-босқичда эмланганлар 9 567 976 нафарни, 2-босқичда эмланганлар 3 716 534 нафарни, 3-босқичда эмланганлар 1 345 343 нафарни ташкил қилди. Шу кунгача тўлиқ эмланган фуқаролар эса 1 916 032 нафарни ташкил қилмоқда.
Кеча эмлаш кўрсаткичлари бўйича юқори ўринларни:
Самарқанд вилояти (42 830 доза),
Фарғона вилояти (26 454 доза),
Андижон вилояти (26 055 доза) банд қилди.
Жами эмлашлар бўйича юқори кўрсаткичлар:
Фарғона вилоятида 1 673 202 доза,
Наманган вилоятида 1 661 749 доза,
Андижон вилоятида1 531 911 доза дозани ташкил қилмоқда.
Аввалроқ Ўзбекистонда байрам кунлари ҳам эмлаш ишлари давом эттирилиши маълум қилинганди.
Изоҳ (0)