Самарқандда кўк ва қизил рангли ялт-ялт ёнувчи чироқ-маёқчалардан фойдаланган Lacetti ҳайдовчисига чора кўрилди, дея хабар қилмоқда ЙҲХББ.
Қайд этилишича, ижтимоий тармоқда Lacetti русумли, 30 О141VА давлат рақам белгили автомобиль ҳайдовчиси кўк ва қизил рангли ялт-ялт ёнувчи чироқ-маёқчалардан фойдаланган ҳолда ҳаракатланганлиги акс этган видео кенг жамоатчилик эътирозларига сабаб бўлган.
Видео Самарқанд вилояти ИИБ ЙҲХБ ходимлари томонидан ўрганилиб, рухсат этилмаган бўлса-да, 30 О141VА давлат рақам белгили Lacetti’нинг олд қисмига кўк ва қизил рангли ялт-ялт ёнувчи чироқ-маёқчалар ўрнатганлиги учун ҳайдовчи О.Ж.га нисбатан баённома тузилиб, автомобиль вақтинча сақлаш учун жарима майдонига қўйилди.
Бундан аввал Тошкент вилоятида ЙПХ ходими хизмат машинасининг маёқчасини ёқиб қўйиб, шахсий мақсадда фойдаланганига изоҳ берилгани, Қашқадарёда автомобилни ҳайдовчи рухсатисиз жарима майдончасига ҳайдаб кетгани айтилган ЙПХ ходимига хизмат текшируви тайинлангани ҳамда интернетда ЙПХ ходимларини гадойларга тенглаштириб, уларни ҳақорат қилган шахс 12 млн сўм жаримага тортилгани ҳақида хабар берилганди.
Изоҳ (0)