Наманган шаҳар «Заркент» МФЙ Ахси кўчасида жойлашган «Ҳомиддин қори жоме масжиди» учун таҳоратхона қурилиш жараёнида девор ўпирилиши содир бўлди. Бу ҳақда вилоят Фавқулодда вазиятлар бошқармаси хабар қилди.
Оқибатда унинг ёнидаги 19-берк кўча, 21-А уйнинг ён девори ҳам ўпирилиши туфайли дарвозахонанинг том қисми қулаган.
Ҳозирда Наманган вилояти Фавқулодда вазиятлар бошқармаси ёнғин қутқарув отряди ҳамда Наманган шаҳар фавқулодда вазиятлар бўлими ёнғин қутқарув бўлими ходимлари томонидан қидирув қутқарув ишлари олиб борилмоқда.
Юқоридаги ҳолат юзасидан фуқароларга жиддий тан жароҳати етмаган.
Бундан аввал Қорақалпоғистонда девор босиб қолиши оқибатида 3 киши ҳалок бўлгани ҳамда Наманганда икки нафар ёлланма ишчи тупроқ остида қолиб, ҳалок бўлгани юзасидан жиноят иши қўзғатилгани ҳақида хабар берилганди.
Изоҳ (0)