«Пахтакор» ҳимоячиси Иброҳимхалил Йўлдошев фаолиятини Россия Премьер Лигасида давом эттирадиган бўлди. Бу ҳақда клуб матбуот хизмати хабар берди.
Қайд этилишича, «Пахтакор» ва «Нижний Новгород» клублари футболчининг трансфери борасида келишувга эришган. Томонларнинг неча йиллик шартнома имзолагани маълум қилинмаган.
Қайд этиш жоиз, аввалроқ унга Италиянинг «Женоа» клуби қизиқиш билдиргани ҳақида хабар берилганди.
Йўлдошев янги клуби матбуот хизматига берган интервьюсида нима сабабдан «Нижний Новгород» вариантини танлаганини айтди.
Менда жуда кўп таклифлар бор эди. Ҳамюртим Элдор Шомуродов ўйнаган Италиянинг «Женоа» клубига ўтишга яқин эдим. Айнан Шомуродов менга ўзимни Россия чемпионатида синаб кўришни маслаҳат берди. Ва қўллаб-қувватлаган Проспорц Management агентлари ҳамда жамоа бош мураббийи Александр Кержаков билан суҳбатдан сўнг «Нижний»да қолишга қарор қиламан.Маълумот учун, Йўлдошев 2001 йилнинг 14 февралида Сирдарё вилоятида туғилган. У «Пахтакор» академияси тарбияланувчиси ҳисобланади. Иброҳимхалил «шерлар» сафида 18 ўйин ўтказиб, 2 та гол урган. Шунингдек, у Ўзбекистон терма жамоаси аъзоси саналади.Иброҳимхалил Йўлдошев, ҳимоячи
Изоҳ (0)