Суперлиганинг 16-туридан ўрин олган «Металлург» — «Машъал» (2:1) ўйинидан сўнг Александр Хомяков ва Шавкат Саидов иштирокидаги можароли ҳолат юзага келгани ҳақида хабар берилганди. «Championat.asia» «Металлург» жамоаси бошлиғи Шавкат Саидовнинг ҳолат ҳақидаги фикрларини тақдим этди.
Мен Александр Хомяковни қаттиқ ҳурмат қиламан. Биз бир-биримизни анчадан бери яхши биламиз. Қолаверса бирга ўқиганмиз. Учрашувдан сўнг шахсан ўзим уни ғалаба билан табриклаб кузатиб қўйдим. Шунингдек, баҳсдан олдин анча маслаҳатларини олдим, айниқса, академия борасида. Бевосита муҳокамага сабаб бўлаётган вазиятга тўхталсам, бу шунчаки эҳтирослар. Ахир Муборакнинг нон-тузини еганман. Ҳолат мухлислар ўйлагандек умуман жиддий эмас. Баҳсдан кейин фикр алмашиб кузатиб қўйдим. Сайтдагилардан кўп ортиқча муҳокамаларга берилмасликни сўраб қоламан. Ҳаммаси жойида.Шавкат Саидов, «Металлург» клуби бошлиғи
«Машъал» мураббийи ўйин қийин ва босим остида ўтганини айтиб, учрашувдан кейинги вазиятни ортиқча муҳокама қилмоқчи эмаслигини таъкидлаган.
«Машъал» матбуот хизмати эса учрашувдан кейин баёнот берган ва унда ПФЛ ҳамда ЎФАдан муносабат кутишини маълум қилган.
Ўз уйида «Машъал»дан тарсаки еган «Металлург» клуби раҳбарияти «Машъал» ва унинг делегациясини, мураббийи ва футболчилари ҳақорат қилди. У ҳам камлик қилгандек бош мураббийни калтаклашди. Бундай шармандали ва ўта хунук ҳолатга ПФЛ масъуллари нима дейишаркан? Бу борада ЎФАдан ҳам муносабат кутиб қоламиз.«Машъал»ни таҳқирлашнинг ками қолдимикан?
Хоҳлашса, чемпионатдан ҳайдашади. Ҳаммаси камлик қилаётганди-да, энди мушт ҳам туширишди. «Металлург» директори «Пахтакор» ёки «Локомотив» мураббийсига ҳам мушт тушириб кўрсин-чи. Ўзини юзига дарҳол тарсаки тушади.
«Машъал»га бўлган бугунги шармандали ҳурматсизликка жаноблар қандай чора билан жавоб қайтаришини жим туриб кузатамиз.
«Машъал» баёноти
Изоҳ (0)