Жонс Ҳопкинс университети маълумотларига кўра, дунёда коронавирусга чалинганлар сони 213 418 193 кишига етди, шуларнинг 4 456 633 нафари вафот этган. Касалланганлар сони бўйича АҚШ (38 миллион), Ҳиндистон (32,5 миллион), Бразилия (20,6 миллион), Франция (6,7 миллион) ва Россия (6,7 миллион) энг олдинда бормоқда.
Шунингдек, айни пайтгача бутун дунё бўйлаб 5 миллиарддан ортиқ дозада вакциналар қўлланилган.
COVID-19 га қарши эмланмаган одамлар коронавирусга чалинганда, уларнинг касалхонага ётқизилиш эҳтимоли эмланганларга қараганда 29 баробар кўпроқ бўлади. Бундан ташқари, эмланганларнинг коронавирусга чалиниш эҳтимоли эмланмаганларга қараганда беш баравар кам.
Ушбу маълумотлар АҚШ Касалликларни назорат қилиш ва профилактика маркази (CДC) томонидан июль ойи охирида Калифорния штатининг Лос-Анжелес округидаги эпидемиологик вазият бўйича олиб борилган тадқиқотларда аниқланган. Бироқ округда 1 майдан 25 июлгача қайд этилган касалланиш ҳолатларининг 25 фоизи эмланган америкаликларга тўғри келади. Шу билан бирга, вирус юқтирганларнинг 71 фоизи эмланмаган, 3 фоизи эмлаш курсини тугатмаган.
Эмланган, аммо вирус юқтирган америкаликлар ҳақидаги маълумотлар CDC’нинг бошқа бир тадқиқотига мос келади, унга кўра, коронавирус дельта штаммининг тарқалиши туфайли вакциналар самарадорлиги бироз пасайган. Маълум бўлишича, вакциналарнинг ҳимоя даражаси май ойининг бошида 92 фоиз бўлган бўлса, июль охирига келиб тахминан 80 фоизгача тушган.
Россия Федерал мажбурий тиббий суғурта фонди ҳисоб-китобларига кўра, 2021 йилнинг иккинчи ярмида коронавирус билан касалланган беморларга тиббий ёрдам кўрсатишнинг эҳтимолий харажатлари 111 миллиард рубль (1,5 млрд доллар)дан бироз ошади. Ушбу миқдор Россия Соғлиқни сақлаш вазирлигининг касалланиш даражаси бўйича прогнозларига асосланган бўлиб, уларга кўра, бу даврда COVID-19 га чалиниш бўйича 3,9 миллионта янги ҳолат аниқланиши мумкин, шу билан бирга 784 минг потенциал беморни касалхонага ётқизишга тўғри келиши мумкин.Қайд этилишича, суғурта фонди йилнинг иккинчи ярмида суғурталанган россияликларга тиббий ёрдам кўрсатиш учун 65,4 миллиард рубль (886,8 млн доллар), ишчиларнинг иш ҳақи, коммунал тўловлар ва бошқаларга компенсация тўлашга деярли 60 миллиард рубль (813,6 млн доллар) сарфлайди.
Мутахассисларнинг маълумотига кўра, Соғлиқни сақлаш вазирлиги пандемиянинг янги турини башорат қилмоқда, унинг юз бериши аниқ эмас, лекин бундай сценарий учун бюджетга ҳозирдан пул ажратилган. Ушбу сценарийда респираторли инфекция ва коронавирус мутациясининг умумий ўсиши кузатилиши мумкин.
Йилнинг биринчи ярмида суғурта фонди коронавирус билан касалланган беморларга ёрдам беришга 218 миллиард рубль (2,9 млрд доллар) сарфлади, унинг катта қисми шифохонадаги беморларга ёрдам кўрсатиш учун сарфланди. Йил бошидан бери коронавирус билан касалланган 1,5 миллион бемор касалхонага ётқизилган.
Шу билан бирга, Россияда 2021 йилнинг биринчи ярмида COVID-19 билан касалланган битта беморни касалхонага ётқизишнинг ўртача нархи 135,4 минг рубль (1,8 минг доллар)ни ташкил этди. Таққослаш учун бошқа турдаги касалликка чалинган беморни касалхонага ётқизиш 41,5 минг рубль (562 доллар)га тушган. 2020 йил коронавирус билан касалланган битта беморни даволаш қиймати 115 минг рубль (1,5 минг доллар)га баҳоланган, COVID-19 билан оғриб, касалхонага ётқизилган 2,1 миллион беморга эса 245 миллиард рубль (3,3 млрд доллар)дан ортиқ маблағ сарфланган. Мутахассисларнинг фикрича, касалхонага ётқизиш нархининг ошиши инфляция билан ҳам, Россияда коронавирус янги штаммининг пайдо бўлиши билан ҳам боғлиқ бўлиши мумкин.
Мавзуга доир: Ўзбекистонда коронавирусга чалинган бир беморни даволаш учун қанча маблағ сарфланаётгани маълум қилинди
Қайд этилишича, кичик шаҳарча ва қишлоқларда жойлашган кичик мактаблар болаларни уйларига жўнатишни бошлаган. Хусусан, Жоржия штатида талабаларнинг 40 фоизи аллақачон карантин ёки изоляцияда. Ўтган ҳафтада округ 13 сентябрга қадар онлайн таълимга ўтган. Штат маълумотларига кўра, сўнгги икки ҳафта ичида мактаб ёшидаги ҳар 100 боладан биттасида COVID-19 тести ижобий чиққан.
«Беш ёшдан 17 ёшгача бўлган болаларда коронавирус тестининг ижобий чиқиши ҳолати катталарга қараганда тез-тез учрайди», — дейилади хабарда. Бир қатор мактаблар режалаштирилганидан кечроқ иш бошлайди. Бунгача АҚШда мамлакат бўйлаб мактаблар масофавий ўқитмасдан, одатий ҳаётга яқинлашиши мумкин деган умидлар катта эди, масофавий таълим «баъзи ота-оналарнинг ишига тўсқинлик қилган ва кўплаб ўқувчиларнинг ўзлаштириш даражасини ёмонлаштирган».
Мавзуга доир: АҚШда COVID-19 тарқалиши кескин тезлашди
- Сўнгги икки ойга нисбатан ҳозир бутун дунёда коронавируснинг тарқалиш тезлиги барқарорлаша бошлади. Жаҳон соғлиқни сақлаш ташкилоти (ЖССТ) маълумотларига кўра, 16 дан 22 августгача бўлган ҳафтада бутун дунё бўйлаб тахминан 4,5 миллион кишида коронавирус қайд этилди. Аввалги ҳафтада 4,4 миллиондан ортиқ кишида вирус аниқланганди. ЖССТ таъкидлашича, бу шуни англатадики, деярли икки ой давомида кўтарилиб борган янги касалланиш ҳолатлари сўнгги ҳафталарда барқарорлашаётган бўлиши мумкин. Дунё бўйлаб коронавирусдан ўлимлар сони ўтган ҳафтада 68 мингтани ташкил этган бўлса, 9 августдан 15 августгача 66 мингдан ортиқ ўлим қайд этилганди,
Изоҳ (0)