Ажабо, қандай қилиб икки одам бир-бирига ўхшаш бўлиши мумкин. Айниқса, агар улардан бири дунёга машҳур бўлса-ю, иккинчиси оддий ўқувчи ёки модель бўлса.
Меган Маркл ва екатеринбурглик рус қиз
Эҳтимол, бу биз кўрган энг ўхшаш қиёфадошлардан биридир. Фотосуратчи Владислав Бурнашев томонидан суратга олинган екатеринбурглик номаълум қиз ҳам сўровда қатнашди, натижада ҳамма Россиянинг ўз Сассекс герцогиняси борлигини билиб олди.
Риз Уизерспун ва Марина Доможирова
Расмдаги Риз Уизерспун эмас, балки россиялик актриса Марина Доможирова эканлигини биринчи мартадаёқ топиш қийин. Ҳа, улар нафақат ташқи кўриниши билан, балки касби билан ҳам ўхшаш. Айтганча, Марина Уизерспунга ўхшаш учун ҳеч қандай пластик операция қилдирмаганини таъкидлайди.
Дэниэл Редклифф ва Николай Послед
Николай Послед Красноярскда савдо соҳасида ишлайди, шунингдек, Instagram’да 30 мингдан ортиқ обуначиси бўлган блогни ҳам юритади. Йигитнинг ҳар бир сурати тагига Дэниэл Редклиффнинг Гарри Поттер ролидаги аниқ нусхаси эканлиги ёзилган — бу борада у билан баҳслашиш қийин.
Натали Дормер ва Дария Гринко
Натали Дормер ўйнаган «Тахтлар ўйини» фильмининг қаҳрамони Маргери Тиреллнинг ҳам қиёфадоши бор. Соч рангидаги фарқни айтмаса, чиндан ҳам улар бир-бирларига жуда ўхшайди.
Анжелина Жоли ва Ассол Василева
Дунё бўйлаб Анжелина Жолининг қанчадан қанча қиёфадошлари бор. Актрисанинг русча «версияси» — модель ва телебошловчи Ассол Василева. Қизнинг айтишича, у ташқи кўринишидан актрисага умуман ўхшамайди ва уни Жолига ўхшатган одамларни тушунмайди.
Меган Фокс ва Анастасия Судакова
Санкт-петербурглик Анастасия Судакова Меган Фокснинг айни нусхаси. Тўғри, Меган Фокс жуда кўп жарроҳлик операцияларидан фойдаланган, Анастасия эса бундай қилмаган.
Изоҳ (0)