Афтидан, Силвестр Сталлоне қора кунларни бошдан кечирмоқда, чунки унинг режиссёрлик ишлари у хоҳлагандек силлиқ кетмаяпти. Шу кунларда Голливуд актёри Лос-Анжелесдаги ҳашаматли уйини қайта сотувга қўйди ва нархини дарҳол 25 миллион долларга туширди. Шуниси эътиборга лойиқки, йил бошида Шимолий Беверли-Паркнинг нуфузли ҳудудида жойлашган ушбу мулк 110 миллион долларга баҳоланган эди.
Турар жойда олтита ётоқхона, бир неча кишилик меҳмонхона, сузиш ҳавзаси, spa-салон, ижодий устахона, голф учун мўлжалланган майсазор, веранда ва саккизта автомобиль сиғадиган гараж бор. Силвестр Сталлоне ҳудуди 1,2 гектар майдонга эга бўлган бу уйни 1998 йилда рафиқаси Женнифер Флавин билан биргаликда сотиб олган.
Бундан ташқари, катта уй кинотеатри, спорт зал ва ҳаво фильтрлаш тизимига эга махсус чекиш хонаси мавжуд. Ҳар бир хонадан шаҳарнинг гўзал манзараси кўриниб туради.
Ўрта Ер денгизи услубидаги мазкур уй лойиҳаси устида машҳур меъмор Ричард Ландри ишлаган.
Аввалроқ кино тарихидаги энг муваффақиятли актёр Силвестр Сталлоне эканлиги ҳақида хабар берилганди.
Мавзуга доир:
- Арнольд Шварсенеггер ва Силвестр Сталлоне бир йил деганда илк бор кўришди
- Қиролича Елизавета II томонидан Виндзорларга ҳадя қилинган ҳашаматли уйлар (фото)
- Актёр ва режиссёр Антонио Бандераснинг 412 минг долларлик ҳашаматли уйи сотувга қўйилди (фото)
- Приянка Чопранинг Лос-Анжелесдаги уйи қандай кўринишга эга?
Изоҳ (0)