Ёнғин, цунами, самолёт ҳалокатлари, автоҳалокатлар – ҳеч кимнинг ҳаёти офатлардан ҳимоя қилинмаган. Шунингдек, юлдузлар ҳам оддий инсонлар қаторида бу каби кутилмаган даҳшатлар олдида ожиз. Аммо улар орасида ўз жонини сақлаб қолганлар ҳам йўқ эмас.
Жет Ли
2004 йил декабридаги цунами Мальдив ороллари соҳилига ҳам етиб келди, у eрда Жет Ли ўз оиласи – хотини ва икки ёш қизи билан дам олаётган эди. Машҳур актёрни вафот этди, дея ўйлаган оиласи қочишга муваффақ бўлган. Меҳмонхона фоесидан қизларидан бирини қутқарган Жет тирик қолди, фақат оёғига шикаст етганди.
Бу воқеа актёрнинг қалбида из қолдирди ва уч йилдан сўнг у табиий офатлар қурбонларига ёрдам бериш жамғармасини ташкил қилди. Актёр, шунингдек, Қизил Хоч элчиси ҳамдир.
Кирк Дуглас
Кирк Дуглас узоқ умр кўрди, у 2020 йилда 103 ёшида вафот этди. 1991 йил февраль ойида Кирк вертолётда саёҳатга чиққан, лекин манзилга етиб бормади. Сан-Паулу аэропортида учишга муваффақ бўлган вертолёт дарҳол осмонда кичик ўқув самолёти билан тўқнашган. Дуглас самолёт қандай қилиб ерга қулаб тушганини ва портлаганини ўз кўзлари билан кўрган.
Кирк уйғонганда касалхонада эди. Унинг бир неча жойи синган бўлса-да, ўзи омон қолганди. Бу орада вертолёт учувчиси ва 18 ёшли ўқувчи вафот этди. Актёрни даҳшатли айбдорлик ҳисси қамраб олди: у аллақачон ўз ҳаётини яшаган, аммо йигитни ҳаётга қайтариб бўлмасди.
Кейт Уинслет
2011 йилда бутун дунё Кейт Уинслет нафақат таниқли актриса, балки ажойиб инсон эканлигига амин бўлди. Ўша йилнинг 22 август куни таниқли шахс оиласи билан британиялик тадбиркор Ричард Брансоннинг уйида қолди. Бу вақтда юз берган бўрон туфайли уйнинг томини чақмоқ урди. Шундан сўнг ёнғин ҳам бошланган. Бинода 20 га яқин одам бўлиб, кўплари югуришга шошилди, лекин ҳаммаси ҳам эмас.
Хавфга қарамай, тадбиркорнинг ўғли Сем ва Кейт саройда қолганларга ёрдам беришга киришди. Улар биргаликда қўрқувдан қимирлай олмаган болаларни, шунингдек, Ричарднинг 90 ёшли онасини қутқарди. Уй ёниб кетди, лекин, хайриятки, қурбонлар бўлмади.
Регина Тодоренко
Регина Тодоренко «Орёл и решка» дастурини суратга олиш пайтида бир неча бор тасаввур қилиб бўлмайдиган қийинчилик ва хавфларга дуч келганини бир неча бор тан олган. Энг даҳшатлиси, бошловчи Суматра оролида бўлган. Суратга олиш гуруҳи фаол вулқонлардан бири – Синабунгга боришга қарор қилди.
«Мен ва жамоам вулқонга боришга қарор қилганимизда, унда отилиш аломатлари йўқ эди. Бу оддий тоғга ўхшарди, кул ҳам, тутун ҳам, отилган лава ҳам йўқ эди. Биз ўрмонга кирдик, бу оролдаги жуда ҳам машҳур бўлмаган жой эди ва сайёҳлар фақат узоқдан расмга олиш учун ташриф буюради. Биз иложи борича юқорига кўтарилиб, лава пуфлаётган ердаги ёриқларга қарашни хоҳладик. Аммо орқага қайтдик », – дейди Регина.
Кейинчалик маълум бўлишича, бу қарор суратга олиш гуруҳи аъзоларининг ҳаётини сақлаб қолган. «Биз вулқонга яқинлашганимизда, у отила бошлади! Маҳаллий аҳоли бизга зудлик билан кетишимиз кераклигини, бу жой лаънатланган ва жуда хавфли эканлигини айтишди. Кейинчалик улар бизга айтишича, биз келишимизга бир неча ҳафта қолганда, 17 нафар сайёҳ вулқон ёнбағрида заҳарли газдан бўғилиб ўлган. Агар яна бироз иккиланиб, ўша ерда қолганимизда бизни ҳам худди шундай ҳодиса кутган бўларди», – дея ўз сўзини якунлади телебошловчи.
Изоҳ (0)