Машҳур актриса Ханде Эрчелнинг маълум қилишича, у жисмоний ҳолатини сақлаб қолиш учун спорт билан шуғулланади. Бироқ нима тановул қилаётганига алоҳида эътибор қаратмайди.
Ҳамиша ташқи кўринишини гўзал сақлашга ҳаракат қилаётган Эрчел журналистларга шундай деди: «Мен нима истеъмол қилаётганимга унчалик аҳамият бермайман. Шунчаки, кундалик машқларни бажарсам ва кечки овқатни тановул қилмасам, менга шунинг ўзи кифоя».
Актрисанинг сўзларига кўра, у ҳар куни ҳам спорт билан шуғуллана олмайди, лекин камида ҳафтасига 3 кун шуғулланиши керак. Юлдуз, шунингдек, спорт унинг ҳаёт тарзига айланганини ҳам таъкидлади.
Аммо актриса билан қисқа интервью ижтимоий тармоқларда кўплаб муҳокамаларга ҳам сабаб бўлди.
Кўпчилик тўлачадан келган Эрчелнинг моделга айланишига сабаб фақат спорт эканлигига ишонмаган. Чунки липосакция операцияси таниқли турк юлдузлари – ҳам ўрта ёшли, ҳам ёш актрисалар орасида жуда машҳур. Шу сабабли интернет фойдаланувчилари Ханденинг спорт ҳаёт тарзига шубҳа билан қаради.
«Ҳа, энди у спорт залига боради. Аммо биз унинг олдинги қиёфасини ва қоматини эслаймиз. Жарроҳларнинг аралашуви бўлмаганига ишониш қийин», – дея интернет фойдаланувчилари томонидан фикр билдирилган.
Шунга қарамай, Эрчелнинг мухлислари, ҳар доимгидек актрисани ҳимоя қилган ва унинг табиий гўзаллиги ҳақида кўп изоҳлар қолдирган.
Мавзуга доир:
- Турк киноси янгиликлари: Ўзжан Дениз янги сериал суратга олади, Дидем Балчин «Ҳукмдор Усмон»нинг учинчи мавсумида иштирок этади (фото)
- «Истанбуллик келин» сериали юлдузи Асли Энвер янги лойиҳада иштирок этади
- Фаҳрие Эвжен кинога қайтди, «Зулейҳа» сериали юлдузи янги сериалда суратга тушади. Турк киноси янгиликлари
Изоҳ (0)