Mashhur aktrisa Xande Erchelning ma’lum qilishicha, u jismoniy holatini saqlab qolish uchun sport bilan shug‘ullanadi. Biroq nima tanovul qilayotganiga alohida e’tibor qaratmaydi.
Hamisha tashqi ko‘rinishini go‘zal saqlashga harakat qilayotgan Erchel jurnalistlarga shunday dedi: “Men nima iste’mol qilayotganimga unchalik ahamiyat bermayman. Shunchaki, kundalik mashqlarni bajarsam va kechki ovqatni tanovul qilmasam, menga shuning o‘zi kifoya”.
Aktrisaning so‘zlariga ko‘ra, u har kuni ham sport bilan shug‘ullana olmaydi, lekin kamida haftasiga 3 kun shug‘ullanishi kerak. Yulduz, shuningdek, sport uning hayot tarziga aylanganini ham ta’kidladi.
Ammo aktrisa bilan qisqa intervyu ijtimoiy tarmoqlarda ko‘plab muhokamalarga ham sabab bo‘ldi.
Ko‘pchilik to‘lachadan kelgan Erchelning modelga aylanishiga sabab faqat sport ekanligiga ishonmagan. Chunki liposaksiya operatsiyasi taniqli turk yulduzlari – ham o‘rta yoshli, ham yosh aktrisalar orasida juda mashhur. Shu sababli internet foydalanuvchilari Xandening sport hayot tarziga shubha bilan qaradi.
“Ha, endi u sport zaliga boradi. Ammo biz uning oldingi qiyofasini va qomatini eslaymiz. Jarrohlarning aralashuvi bo‘lmaganiga ishonish qiyin”, – deya internet foydalanuvchilari tomonidan fikr bildirilgan.
Shunga qaramay, Erchelning muxlislari, har doimgidek aktrisani himoya qilgan va uning tabiiy go‘zalligi haqida ko‘p izohlar qoldirgan.
Mavzuga doir:
- Turk kinosi yangiliklari: O‘zjan Deniz yangi serial suratga oladi, Didem Balchin “Hukmdor Usmon”ning uchinchi mavsumida ishtirok etadi (foto)
- “Istanbullik kelin” seriali yulduzi Asli Enver yangi loyihada ishtirok etadi
- Fahriye Evjen kinoga qaytdi, “Zuleyha” seriali yulduzi yangi serialda suratga tushadi. Turk kinosi yangiliklari
Izoh (0)