Жорий ҳафтада ҳам Президент Шавкат Мирзиёев иштирокида қатор тадбирлар ўтказилиши режалаштирилган. Бу ҳақда давлат раҳбари матбуот котиби Шерзод Асадов 23 август, душанба куни бўлиб ўтган брифингда таъкидлади, дея хабар бермоқда «Дарё» мухбири.
«Афғонистонда вужудга келаётган вазиятни ҳисобга олиб, хавфсизликка таҳдид солиши мумкин бўлган хатарлар бўйича яқин хориждаги ҳамкор мамлакатлар ва минтақадаги қўшнилар томонидан кўрилаётган чора-тадбирлар билан чуқур танишиш мақсадида Ўзбекистон Республикаси Президенти Шавкат Мирзиёев бугун Коллектив хавфсизлик шартномаси ташкилоти давлат раҳбарларининг видеоанжуман шаклида ўтадиган саммитида таклиф этилган меҳмон сифатида иштирок этади.
Шунингдек, Тошкент шаҳрида амалга ошириладиган лойиҳалар тақдимоти, экологик ҳолатни яхшилаш ва яшил ҳудудларни кенгайтириш бўйича йиғилиш, спорт таълимини такомиллаштириш, олимпия захирасини яратиш юзасидан видеоселектор ўтказилиши мўлжалланган», — деди Асадов.
Таъкидланишича, Президентнинг ҳафта иш режасидан янги хорижий элчилардан ишонч ёрлиқларини қабул қилиш маросими ҳам ўрин олган.
Изоҳ (0)