Бугун,

  • USD 11095.31
  • RUB 173.84
  • EUR 10772.44

Twitter компанияси ижтимоий тармоқ алгоритмлари суратлардаги қора танли инсонларга нисбатан нохолис эканлигини исботлаб берган Богдан Кулинич исмли украиналикка 3,5 минг доллар тўлади, деб хабар беради Esquire.

Фото: GitHub

Фото: GitHub

Кулинич дастурчи бўлиб, Швейцариянинг EPFL университетида аспирантурада ўқийди. Сунъий интеллект ёрдамида у юз тузилиши деярли бир хил, фақат терисининг ранги, жинси ва ёши билан фарқланадиган суратларни генерация қилган.

Кулинич Twitter алгоритмлари суратлардаги қора танли инсонларни нафақат қирқиб ташлаётганини исботлаб берган, балки улар анча ёш, келишган ва ёрқин юзларга кўпроқ фокусланишини аниқлаган. Компания ҳозирда ушбу хатоликни тўғрилашга ваъда берган.

Twitter фойдаланувчилари ижтимоий тармоқ алгоритмлари суратлардан қора танли инсонлар ва ҳатто қора рангли итлар қирқиб ташланаётганини 2020 йилда пайқаб қолган эди. Ўшанда компания кечирим сўраган ва июль ойида алгоритмлар нуқсонини исботлаб берган инсонга 3,5 минг доллар мукофот ваъда қилганди. Кулинич айнан ушбу мукофотни ютиб олган.

BBC’нинг ёзишича, иккинчи мукофот суратларда кекса ва ногиронлиги бўлган инсонларни четга суриб қўяётганини исботлаган Торонта университети ходимига насиб этган. Учинчи ўрин эса Twitter мемлардан инглиз тилидан кўра, арабча матнларни катта эҳтимоллик билан қирқиб ташлаётганини исботлаган лойиҳага берилган.

Изоҳ
Асосий янгиликлар
Дунё
Ўзбекистонда аборт: қонуний ва хавфсиз бўлишига қарамай, бу танлов камаймоқда
Дунё
Сердар Бердимуҳамедов барда тўполон қилган қариндошини «Туркменгаз»даги юқори лавозимидан бўшатди
Маҳаллий
Тошкент ерусти метросининг 19 та бекати номи ўзгаради