Ижтимоий тармоқларда Жиззахда икки нафар фокусчи пичоқлангани ва жабрланувчилардан бири вафот этгани ҳақида хабарлар тарқалди. Бош прокуратура матбуот хизмати ушбу ҳодисани тасдиқлаган.
Таъкидланишича, мазкур ҳолат юзасидан Жиззах вилояти прокуратураси томонидан Жиноят кодексининг 97-моддаси (қасддан одам ўлдириш) билан жиноят иши қўзғатилган. Гумондор шахс процессуал тартибда ушланган.
Ҳозирда ҳолат бўйича тергов ҳаракатлари олиб борилмоқда.
Аввалроқ Наманганда бир йигит 150 минг сўмни деб танишини пичоқлаб, ўлдириб қўйгани, Жиззахда ука акасини, қайнука келинойисини пичоқлаб ўлдиргани, Гулистонда 17 ёшли бола тенгдошини пичоқлаб қўйгани тўғрисида хабар берилганди.
Изоҳ (0)