Россиялик қўшиқчи МакСимга (Марина Абросимова) шифохонадан жавоб берилди ва у эндиликда даволанишни уйида давом эттиради. Бу ҳақда 13 август куни унинг менежери Маргарита Соколова маълум қилди, деб хабар беради «Korrespondent.net».
«Бугун Маринамизга шифохонадан рухсат беришди. Бу унинг қарори эди. У ўзида рухсат беришларини талаб қилиб туриб олди. Фарзандларини қучмоқчилигини, буни қила олмасликдан қўрқаётганини айтди», — деб ёзади Соколова Instagram’даги саҳифасига.
Унинг сўзларига кўра, қўшиқчи уйида профессионал парваришни олади.
«Даволаниш ва қайта тикланиш учун машаққатли йўлни босиб ўтиш керак», — дея таъкидлаган менежер.
Эслатиб ўтамиз, 2021 йилнинг 15 июнь куни шифохонага ётқизилган Маринанинг аҳволи ёмонлашгани туфайли унга сунъий нафас олдириш аппарати уланган. Кейинроқ яна бир оғир касаллик аниқланган ижодкорнинг аҳволи ёмонлаши сабаби нима билан боғлиқ экани ҳақида хабар берилган. Аҳволи оғирлашган МакСимни комадан чиқаришнинг иложи бўлмаган. Бироздан сўнг коронавирус сабаб сунъий комага туширилган хонанданинг ҳолати яхшилана бошлаган. Шундан сўнг МакСим унга далда бўлган мухлисларига салом йўллаган.
Изоҳ (0)