Ўзбекистонда сўнгги 3 йилда 58 нафар ички ишлар органлари ходими хизмат вазифаси вақтида ҳалок бўлган. Бу ҳақда ички ишлар вазири ўринбосари, полковник Бекмурод Абдуллаев маълум қилди.
«Бир икки ҳолатни деб бутун ички ишлар тизимига баҳо бериш ҳолатлари ҳам йўқ эмас. Ички ишлар органларида 99 фоиз ўз хизматига фидойи, юртига садоқатли, ўз қасамёдига содиқ инсонлар меҳнат қилади.
Сўнгги уч йил давомида ички ишлар органлари ходимларининг 142 нафари ҳалок бўлган ёки жароҳат олган. Шулардан 58 нафари ўз хизмат вазифасини бажариш пайтида вафот этган», – дейди Бекмурод Абдуллаев.
Бундан аввал Тошкентда қовун-тарвуз сотувчиси ва ИИБ ходимлари ўртасида жанжал акс этган видео юзасидан изоҳ берилгани, Чилонзорда ИИББ ходими бошқарувидаги Cobalt ЙТҲ содир этгани ҳамда Сурхондарёда профилактика инспекторининг ёрдамчилари ИИБга олиб кетилаётган фуқарони уриб, ўлдириб қўйгани ҳақида хабар берилганди.
Изоҳ (0)