Ўзбекистонда бир кунда 948 кишида коронавирус, 521 кишида пневмония қайд этилди. 12 бемор вафот этди

Ўзбекистонда 12 август куни 948 кишида коронавирус инфекцияси қайд этилиб, мамлакатда пандемия бошидан бери коронавирусга чалингани расман тасдиқланганлар сони 141 158  нафарга етди. Бу ҳақда Соғлиқни сақлаш вазирлиги матбуот хизмати хабар берди.

Янги касалланиш ҳолатларининг

• 91 нафари Қорақалпоғистон Республикасида,
• 42 нафари Андижон вилоятида,
• 23 нафари Бухоро вилоятида,
• 65 нафари Жиззах вилоятида,
• 27 нафари Қашқадарё вилоятида,
• 19 нафари Навоий вилоятида,
• 47 нафари Наманган вилоятида,
• 93 нафари Самарқанд вилоятида,
• 29 нафари Сирдарё вилоятида,
• 90 нафари Сурхондарё вилоятида,
• 82 нафари Фарғона вилоятида,
• 40 нафари Хоразм вилоятида,
• 96 нафари Тошкент вилоятида,
• 204 нафари Тошкент шаҳрида

Шунингдек, 12 август куни жами 945 нафар: Қорақалпоғистон Республикасида 89 нафар, Андижон вилоятида 84 нафар, Бухоро вилоятида 23 нафар, Жиззах вилоятида 72 нафар, Қашқадарё вилоятида 31 нафар, Навоий вилоятида 20 нафар, Наманган вилоятида 23 нафар, Самарқанд вилоятида 132 нафар, Сирдарё вилояти 44 нафар, Сурхондарё вилоятида 89 нафар, Фарғона вилоятида 88 нафар, Хоразм вилояти 35 нафар, Тошкент вилоятида 99 нафар, Тошкент шаҳрида 116 нафар бемор тузалиб, касалликдан соғайганлар жами 134 307 нафарга етди.

Шунингдек, 8 нафар коронавирусга чалинган бемор вафот этиб, касалликдан вафот этганлар сони 964 нафарни ташкил қилмоқда.

Бундан ташқари, 12 августда 521 кишида пневмония аниқланиб, жами беморлар сони 16 885 нафарга етган. Сўнгги суткада уларнинг 424 нафари соғайиб, умумий соғайганлар сони 9502 нафарни ташкил қилмоқда. Тўрт нафар бемор вафот этиб, шу кунгача пневмониядан вафот этганлар сони 114 нафарга етди.

Аввалроқ «Маданият ва маърифат» телеканалининг ходими 37 ёшида коронавирус оқибатида вафот этгани, Ўзбекистонда ходимлари коронавирусга қарши вакцина олган кафе ва ресторанлар иш вақтига чеклов ўрнатилмайдиган бўлгани тўғрисида хабар берилганди.