Бундан ташқари, ижтимоий тармоқлардаги шахсий профилда келтирилган хабарга кўра, ушбу мактабгача таълим ташкилотида бир нафар тарбияланувчининг озиқ-овқат заҳарланишидан вафот этгани келтирилган.
Расмий маълумотларга кўра, тарбияланувчи Б.М. 2021 йил 2 августгдан 7 августга қадар Республика шошилинч тиббий ёрдам илмий маркази Тошкент вилояти филиали шифокорлари томонидан шифохонадан ташқари икки томонлама ўчоқли пневмония. Асоратлари: юрак қон-томир етишмовчилиги, мия шиши ташхиси қўйилиб даволаш ишлари олиб борилган. Шифокорларнинг ҳаракатларига қарамай пневмония касаллиги асоратларига кўра юрак қон-томир етишмовчилиги туфайли 7 август куни биологик ўлим қайд этилган.
Бош прокуратура матбуот хизматининг ёзишича, Оққўрғон туманида боғча тарбияланувчилари заҳарлангани ҳолати юзасидан туман прокуратураси томонидан терговга қадар текширув ҳаракатлари олиб борилмоқда. Таъкидланишича, натижалари ҳақида қўшимча хабар қилинади.
Эслатиб ўтамиз, 2020 йилда Андижонда туғилган кун тортидан 8 киши, 2019 йилда Қашқадарёда 65 нафар ишчи овқатдан заҳарлангани тўғрисида хабар берилганди.
Изоҳ (0)