12 август куни Халқ депутатлари Хива туман кенгашининг навбатдан ташқари сессияси бўлиб ўтди. Бу ҳақда вилоят ҳокимининг Telegram’даги расмий саҳифасида маълум қилинди.
Маълум қилинишича, сессияда Хива тумани ҳокими лавозимида ишлаб келган Озод Матёқубов эгаллаб турган вазифасидан озод этилган. Сессияда вилоят ҳокими Фарҳод Эрманов сўзга чиқиб, туманнинг ижтимоий- иқтисодий ривожлантириш кўрсаткичларини таҳлил қилган, мавжуд муаммолар ва уларни бартараф қилиш бўйича олиб борилаётган ишларни танқидий баҳолаган.
Вилоят раҳбари Хива тумани ҳокими лавозимига вилоят бандлик бош бошқармаси бошлиғи вазифасида ишлаб келган Ҳурмат Матрасулов номзодини тавсия этган.
Халқ депутатлари ушбу номзодни қўллаб-қувватлаган. Овозга қўйиш натижаларига кўра, Ҳурмат Матрасулов Хива тумани ҳокими вазифасини бажарувчи этиб тасдиқланган.
Эслатиб ўтамиз, Озод Матёқубов 2017 йилда Хива тумани ҳокими этиб тайинланганди. Бунга қадар у Қишлоқ ва сув хўжалиги вазирлиги пахтачилик ва техник экинларни ривожлантириш бошқармаси бошлиғи лавозимида фаолият кўрсатган.
Мавзуга доир: Гулистон туманида «тўртлик» алмашди. Товар-хом ашё биржаси Сирдарё вилояти филиали директори Гулистон ҳокими этиб тайинланди
Изоҳ (0)