«Соғлом турмуш тарзи» (1hls.uz) платформаси 2021 йилнинг июль ойи якунига кўра, энг кўп пиёда юриш бўйича ғолиблар номини эълон қилди. Ўтган ой якуни бўйича ғолиблар рўйхатидан 203 киши ўрин олган.
Асосий мукофот — 1 миллион сўм ўтган ойдаги тошкентлик фуқарога насиб этган. Яшнобод туманида истиқомат қилувчи 34 ёшли Улуғбек Тоиров ғолиб деб топилган. У бир ой давомида 1 миллион 888 минг 231 қадам ташлаган. Эркак нафақат туман, шаҳарлар кесимида, балки республика миқёсида ҳам энг яхши натижани кўрсатган. Тоиров «соғлом турмуш тарзи» орқали 1,8 миллион сўм ишлаб топган.
Июль ойида давомида 203 нафар ўзбекистонлик пиёда юриш орқали жами 68,9 миллион сўм ишлаган.
«Соғлом турмуш тарзи» лойиҳасида 18 ёшга тўлган исталган инсон иштирок эта олади. Масалан, ўтган ойда Қорақалпоғистон Республикасида истиқомат қилувчи 72 ёшли эркак ғолиблар қаторидан ўрин олган. У бир ой давомида 667 минг 600 қадам ташлаб, 300 минг сўм ишлаб олган.
Маълумот учун, аҳоли ўртасида пиёда юриш ва югуришни оммалаштириш учун ишга тушириладиган «Соғлом турмуш тарзи» платформаси алкоголь ва сигарет сотувчиларидан олинадиган махсус йиғим ҳисобига молиялаштирилади.
Изоҳ (0)