«Барселона» собиқ футболчиси Лионель Месси фаолиятини «ПСЖ» жамоасида давом эттиради.
Париж клуби Мессининг трансферига бағишланган видеороликни эълон қилди. Айни вақтда футболчи «ПСЖ» билан шартнома имзолаш учун Парижга етиб борган.
Месси парижликлар билан «2+1» кўринишидаги шартномага имзолайди. Унинг маоши йилига бонуслар билан ҳисоблаганда 35 миллион еврони ташкил этади. Бу ҳақда италиялик инсайдер Фабрисио Романо хабар қилмоқда.
Лионель Месси «Барселона» тарбияланувчиси ҳисобланади. У 2000 йилдан бери клуб тизимида ҳаракат қилади, 2003 йилдан эса асосий жамоада ўйнайди. У каталон клуби билан Испания чемпионати (10), Испания Кубоги ва Суперкубоги (7 тадан), Чемпионлар Лигаси (4), Европа Суперкубоги ва клублар ўртасидаги Жаҳон Чемпионати (3 мартадан) бош совринларини қўлга киритган.
Месси фаолияти давомида «Барселона»дан бошқа жамоада ўйнамаган. У «кўк-анорранглилар» сафида умумий ҳисобда 778 та ўйин ўтказиб, 672 та гол ва 305 та голли узатмани амалга оширган. Унинг жамоа билан қўлга киритган совринлари сони эса 35 тани ташкил қилади.
Мавзуга доир:
- «Барселона»га қачон қайтиши, «ПСЖ»га ўтиши мумкинлиги ва хотиралар ҳақида. Лионель Месси «Камп Ноу»даги сўнгги матбуот анжуманида кўз ёшларини тия олмади
- «Олтин тўп», Тошкентга ташриф ва Роналду билан азалий рақобат. Мессининг «Барселона»даги фаолиятига назар (фотогалерея)
- Месси нега «Барселона»дан кетди? «Реал» билан келишув ва Ла Лигага қарши уруш ҳақида
Изоҳ (0)