«Барселона» ва «Ювентус» клублари 8 август, якшанба куни Гампер Кубоги—2021 соврини учун кураш олиб борди.
Учрашувнинг 3-дақиқасидаёқ Мемфис Депай каталонларни олдинга олиб чиқди. 57-дақиқада Мартин Брэйтуэйт иккинчи тўпни киритган бўлса, ҳакам томонидан қўшиб берилган вақтда Рикард Пуч ҳисобни йирик кўринишга олиб келди.
Шу тариқа «Барселона» 49 марта ва кетма-кет 9-бор мазкур совринни қўлга киритди. 2020 йилда «кўк-анорранглилар» «Элче»ни мағлуб этганди.
Ушбу мусобақа «Барселона» асосчиси Жоан Гампер хотирасига атаб ўтказиб келинади. Унда «Барселона» ҳар йили турли клублар билан куч синашади. Буниси саноқ бўйича 56-мусобақа бўлди.
Гампер Кубоги
8 август, якшанба
«Барселона» — «Ювентус» 3:0
Голлар: 1:0 – 3 Депай, 2:0 – 57 Брэйтуэйт, 3:0 – 90+2 Пуч.«Барселона»: Нето, Дест (Емерсон, 62), Пике, Араухо (Умтити, 62), Хорди Альба (Бальде, 71), Бускетс, Серхи Роберто (Пуч, 71), Демир (Гонсалес, 62), Гризманн (Кольядо, 86), Депай, Брэйтуэйт (Манай, 78).
«Ювентус»: Шченсни (Перин, 46), Де Шильо (де Винтер, 79), де Лигт (Кьеллини, 61), Ругани (Бонуччи, 61), Алекс Сандро (Пеллегрини, 46), Бентанкур (Данило, 46), Рэмзи (Маккенни, 46), Бернардески (Раноккия, 61), Куадрадо (Кьеза, 46), Мората (Маркес, 61), Роналду (Кулусевски, 46).
Изоҳ (0)