“Barselona” sobiq futbolchisi Lionel Messi faoliyatini “PSJ” jamoasida davom ettiradi.
Parij klubi Messining transferiga bag‘ishlangan videorolikni e’lon qildi. Ayni vaqtda futbolchi “PSJ” bilan shartnoma imzolash uchun Parijga yetib borgan.
Messi parijliklar bilan “2+1” ko‘rinishidagi shartnomaga imzolaydi. Uning maoshi yiliga bonuslar bilan hisoblaganda 35 million yevroni tashkil etadi. Bu haqda italiyalik insayder Fabrisio Romano xabar qilmoqda.
Lionel Messi “Barselona” tarbiyalanuvchisi hisoblanadi. U 2000-yildan beri klub tizimida harakat qiladi, 2003-yildan esa asosiy jamoada o‘ynaydi. U katalon klubi bilan Ispaniya chempionati (10), Ispaniya Kubogi va Superkubogi (7 tadan), Chempionlar Ligasi (4), Yevropa Superkubogi va klublar o‘rtasidagi Jahon Chempionati (3 martadan) bosh sovrinlarini qo‘lga kiritgan.
Messi faoliyati davomida “Barselona”dan boshqa jamoada o‘ynamagan. U “ko‘k-anorranglilar” safida umumiy hisobda 778 ta o‘yin o‘tkazib, 672 ta gol va 305 ta golli uzatmani amalga oshirgan. Uning jamoa bilan qo‘lga kiritgan sovrinlari soni esa 35 tani tashkil qiladi.
Mavzuga doir:
- “Barselona”ga qachon qaytishi, “PSJ”ga o‘tishi mumkinligi va xotiralar haqida. Lionel Messi “Kamp Nou”dagi so‘nggi matbuot anjumanida ko‘z yoshlarini tiya olmadi
- “Oltin to‘p”, Toshkentga tashrif va Ronaldu bilan azaliy raqobat. Messining “Barselona”dagi faoliyatiga nazar (fotogalereya)
- Messi nega “Barselona”dan ketdi? “Real” bilan kelishuv va La Ligaga qarshi urush haqida
Izoh (0)