Бугун,

  • USD 11095.31
  • RUB 173.84
  • EUR 10772.44

Ўзбекистон Президентининг «Нукус шаҳрида аёллар ва болалар шифохонасини ташкил этиш» лойиҳасини амалга оширишга доир чора-тадбирлар тўғрисида»ги қарори қабул қилинди, деб хабар беради Норма.

Қарор билан Ўзбекистон ҳукумати билан Бирлашган Араб Амирликлари ҳукумати ўртасида Халифа бин Зоид Ол Наҳаён жамғармасининг грант маблағларини мамлакатга жалб этишда ҳамкорлик тўғрисидаги битим тасдиқланган. Ушбу битим 2021 йил 26 май куни Тошкент ва Абу-Даби шаҳарларида имзоланган.

Инвестициялар ва ташқи савдо вазирлиги битимни амалга ошириш юзасидан ваколатли орган этиб белгиланган.

Таъкидланишича, лойиҳа доирасида қурилиш ишлари якунлангач, шифохона ўрнатилган тартибда жамғарма томонидан беғараз равишда Ўзбекистон Соғлиқни сақлаш вазирлиги тасарруфига берилади.

Битимдаги келишувлар ижросини таъминлаш мақсадида, истисно тариқасида, лойиҳани амалга оширишда:

  • бош лойиҳа ва бош пудрат ташкилотлари фойда солиғи ва ижтимоий солиқдан, уларнинг ходимлари ЖШДСдан озод қилинади;
  • бош лойиҳа ва бош пудрат ташкилотлари томонидан жамғарма учун амалга ошириладиган ишлар (хизматлар, товарлар)га нисбатан «нол» даражали ставкада ҚҚС қўлланилиши таъминланади. Бунда ҚҚС бўйича салбий фарқни қайтариш қонунчиликда белгиланган тезлаштирилган тартибга мувофиқ амалга оширилади;
  • импорт қилинган товарлар ва моддий бойликларни мажбурий сертификатлаш тартиботларидан ўтишдан, божхона божи, акциз солиғи ва ҚҚСдан озод қилинади. Божхона расмийлаштируви йиғимлари бундан мустасно.
Ушбу солиқ ва божхона имтиёзлари битим белгиланган тартибда кучга кирганидан сўнг қўлланилади.Эслатиб ўтамиз, 2021 йилнинг июнида Шавкат Мирзиёев БАА ҳукумат ишлари бўйича вазири бошчилигидаги делегацияни қабул қилганди. Учрашувда муқобил энергетикани ривожлантириш ва энергетика объектларини модернизация қилиш, замонавий агросаноат кластерларини ташкил этиш, тадбиркорликка оид ташаббусларни қўллаб-қувватлаш учун инвестиция компанияси фаолиятини йўлга қўйиш бўйича лойиҳалар ҳамда қатор муҳим ижтимоий дастурлар изчил амалга оширилаётгани алоҳида қайд этилди.

Изоҳ
Асосий янгиликлар
Спорт
Элдор Шомуродов Турин клубидан жиддий таклиф кутаётгани маълум бўлди
Маҳаллий
Ўзбекистонда 3 декабрь куни об-ҳаво ёғингарчиликсиз, лекин туманли бўлиши кутилмоқда
Маҳаллий
Тошкент туманининг Қозоғистон билан чегарадош ҳудудларидаги хонадонлар бузилиб, чегарани мустаҳкамлаш объектлари қурилади