«2017—2021 йилларда углеводород хомашёси қазиб олишни ошириш бўйича чора-тадбирлар дастури» доирасида Eriell Group томонидан «Ўзбекнефтгаз» АЖ таркибий бўлинмалари билан ҳамкорликда, Қорақалпоғистон Республикасидаги «Шарқий Бердақ» конининг 96-сонли қудуғидан саноат гази оқими олинди. Қудуқ дебити 22 миллиметрлик штуцерда суткасига 1 миллион 36 минг куб метрни ташкил этди.
«Шарқий Бердақ» кони Орол денгизи ҳудудида жойлашган. Қудуқни бурғилаш учун мазкур шароитларда бурғилаш имконини берувчи, юқори ҳароратли моддий-техник ресурслардан фойдаланилди.
96-сонли баҳолаш-эксплутациявий қудуғи «Шарқий Бердақ» конида 4300 метр чуқурликкача муваффақиятли бурғиланган илк қудуқ бўлди. Шу тариқа мазкур конда янги қуйи Юра баландлиги очилди. Қудуқни бурғилаш «Ўзлитинефтгаз» АЖ томонидан тузилган лойиҳа-смета ҳужжатлари асосида амалга оширилди.
Ҳозирги вақтда Eriell Group томонидан 96-сонли қудуқни ободонлаштириш ва ишга тушириш ишлари олиб борилмоқда.
Мазкур йўналишдаги ишлар Eriell Group ва «Ўзбекнефтгаз» АЖнинг умумий саъй-ҳаракатлари билан давом эттирилмоқда.
Eriell Group матбуот хизмати
Изоҳ (0)