Атабек Турсинбеков Ўзбекистоннинг Ақтау шаҳридаги (Қозоғистон) бош консули этиб тайинланди. Бу ҳақда ТИВ матбуот хизмати хабар берди.
Маълумот учун, Атабек Турсинбеков 1987 йилда Нукус шаҳрида туғилган. 2009—2017 йилларда Қорақалпоғистон Республикаси Ташқи иқтисодий алоқалар, инвестициялар ва савдо вазирлигида турли лавозимларда фаолият юритган.
Шунингдек, у 2017—2021 йилларда Ўзбекистоннинг Тожикистондаги элчихонаси биринчи котиби сифатида ишлаган. Оилали, икки фарзанднинг отаси.
Таъкидланишича, Ақтау шаҳридаги бош консулхонанинг консуллик округига Қозоғистоннинг Ақтўбе, Атирау, Ғарбий Қозоғистон ва Манғистау вилоятлари киради.
Эслатиб ўтамиз, 2019 йил июнида Нодир Турғунов Ўзбекистоннинг Ақтаудаги бош консули этиб тайинланган эди. Ақтауда бош консуллик очилишини эса Ўзбекистоннинг Қозоғистондаги элчиси Саидикром Ниёзхўжаев 2019 йил май ойида маълум қилганди.
Мавзуга доир: Самарқандда Қозоғистоннинг бош консулхонаси иш бошлади
Изоҳ (0)