Ko‘l, ko‘cha, shirinlik va Bollivud yulduzlari nomi bilan atalgan boshqa narsalar

Nafaqat Hindiston, balki boshqa mamlakatdagi muxlislar qalbidan joy olishga ulgurgan Bollivud yulduzlari sharafiga nimalar atalgani haqida ma’lumot berib o‘tamiz.

Shohrux Xon

Aktyorning shu qadar mashhur, iste’dodli va muxlislar uchun sevimli ekani sabab Oydagi kraterlardan biriga uning ismi bilan atalgan. Shundan kelib chiqib Bollivud yulduzi Oyning bir bo‘lagiga egalik qiladi deb aytish mumkin.

Madhuri Dikshit

Bollivud qiroli Shoxruh Xon bu borada yolg‘iz emas. Orion yulduz turkumidagi yulduzlardan biri go‘zal va latofatli aktrisa sharafiga atalgan. Qolaversa, aynan shu turkumda Bollivud yulduzlaridan biri sanalgan Shahid Kapur nomi bilan atalgan yulduz ham bor.

Ayshvariya Ray

Ayshvariya dunyodagi eng go‘zal ayollardan biri hisoblanadi. Shu sabab ham Gollandiyadagi lolaning turlaridan biri aktrisaning ismi bilan atalgan.

Kapurlar oilasi vakillari

Kapurlar sulolasidan bo‘lgan aktyor va aktrisalar ham e’tibordan chetda qolmagan. Kanada ko‘chalaridan biri Raj Kapur sharafiga nomlangan. Mumbaydagi eng eski teatrlardan biri Prithviraj Kapur sharafiga — Pritxvi deb atalgan. Qolaversa Kanadada, mashhur kompozitor Rakha Rahman nomi bilan atalgan ko‘cha ham bor.

Sonam Kapur

Mumbaydagi kafelardan biridagi taomnomada Sonam Kapur nomi bilan atalgan shirinlik bor. Shuningdek, Hindistondagi boshqa bir mashhur restoranda Sanjay Datt sharafiga nomlangan “Sanju Babu” nomli jo‘jali taomni buyurtma berish mumkin.

Amitabh Bachchan

2000-yillarning boshlanishida orxideya guliga Amitabh Bachchanning ismi berilgan. Qolaversa, avval Naga deb atalgan sharshara ham keyinchalik aktyor sharafiga nomlangan.

Yash Chopra

Shveysariyada esa rejissor sharafiga nomlangan Chopra ko‘li bor.

Salmon Xon

“Josuslar” (Ek Tha Tiger) filmining tasvirga olish jarayonining bir qismi Turkiyaning Mardin viloyatida bo‘lib o‘tgan. Jamoasi bilan birgalikda tez-tez tashrif buyurgan mahalliy kafelardan biri keyinchalik Salmon Xon sharafiga nomlangan.