Ер сайёраси ўз ўқи атрофида айланади. Бироқ айланиш тўхтаб қолса, кинетик момент уни парчалаб юборади. Бу ҳақда Вашингтондаги Смицон миллий авиация ва космонавтика музейининг фахрий геологи Жеймс Зимбелман маълум қилди, деб ёзади «Korrespondent.net».
«Барча нарса столдан учиб кетади», — дея қўшимча қилади олим.
Ернинг айланишини тўхтатишга қодир табиий кучлар йўқ. Аммо тадқиқотчининг таъкидлашича, сайёра тўсатдан тўхтаб қолса, ҳаво, сув ва тоғларга узатилаётган бурчак моменти глобал ҳалокатга олиб келади. Объектлар соатига 1000 километрдан ортиқ тезликда ҳаракатланишни давом эттираверади. Шундай қилиб, ер юзасининг бир қисми атмосферага ва ҳатто космосга учиб кетади.
Ўз навбатида америкалик астрофизик, ёзувчи Нил Деграсс Тайсон парчаланган Ер орбитада Қуёш атрофи бўйлаб айланишни давом эттиришини таъкидлаган.
«Метеоритли» бомбардировка Ер қобиғини қиздириб, унинг кўплаб жойларини эриган тоғ жинсларига айлантириб юборади. Бу Ер юзасидаги сувнинг катта қисми тезда буғланишига сабаб бўлади. «Буғланган сувнинг бир қисми оливин каби қаттиқлаштирувчи минералларга сингиб кетиши мумкин», — дейди Тайсон.
Эслатиб ўтамиз, 2015 йилда Ернинг ўз ўқи атрофида айланиши секинлашаётгани сабаб жаҳон вақтига қўшимча бир сония қўшилиши тўғрисида хабар берилганди.
Мавзуга доир: Саудиялик диндор Ер ўз ўқи атрофида айланишини рад этди
Изоҳ (0)