Рассом ва олим Дэвид А.Робертс Ер сайёрасининг миллиардлаб йил давомидаги эволюциясини ўз ичига оладиган тўрт дақиқали видеони тақдим этди, деб хабар беради Hi-Tech.Mail.ru.
Эпик тарих кратерларга бой фавқулодда қайноқ протосайёрадан бошланган бўлиб, у секин-аста барқарор дунёга айланиб боради. Видео тахминан 3 миллиард йил олдин шаклланишни бошлаган тектоник плиталарни кўрсатиб, Ернинг ясси шаклига ўтади.
Эволюциянинг вақт шкаласи бўйлаб ҳаракатланган Робертс сайёра бўйлаб оқаётган сувни ифодаловчи ранг-баранг деталларни ва юзага кўтарилаётган қитъаларни кўрсатади. Видео охирида бутун сайёрадаги қитъалар узра ёниб турган ёрқин оловлар намойиш этилиб, дунёни инсонлар эгаллагани урғу берилган.
Вақт ўтиши билан тектоник ҳаракатлар сезиларсиз бўлиб қолган, тез ўзгаришлар даври одатдаги кун ва тун цикллари билан алмашган, инсоният сайёра юзасини эгаллаши кўрсатилган.
Эслатиб ўтамиз, 2020 йилнинг июлида Токио университети олимлари Ерда янги музлик даври тахминан 100 минг йилдан сўнг бошланишини маълум қилганди.
Изоҳ (0)