Ерга узунлиги 187 метрга етадиган астероид сониясига 13,4 километр тезликда яқинлашмоқда у 25 июнь куни максимал даражада яқин масофадан учиб ўтади, деб хабар беради Hi-Tech.Mail.ru.
Таъкидланишича, «максимал даражада яқин масофа» аслида у қадар ҳам яқин эмас — у Ер ва Ой ўртасидаги масофадан 15 мартага кўп.
Шунга қарамай, космик ўлчовлар бўйича объект «сайёрага яқинлашувчи» ҳисобланади.
Аввалроқ мутахассислар «потенциал хавфли» астероидлар Ер аҳолисини қўрқувга солмаслигини тушунтирган эди. Ҳар йил сайёра ёнида тахминан 180 га яқин шу каби астероидлар учиб ўтади.
NASAнинг Ерга яқин макондаги объектларни тадқиқ қилиш марказини маълум қилишича, 25 июнь куни иккита футбол майдони катталигидаги астероид ҳам яқин келади.
Эслатиб ўтамиз, 1 июнь куни Эйфель минораси катталигидаги астероид Ер яқинидан учиб ўтиши хабар берилганди. NASA ушбу астероидни потенциал хавфли астероидлар сирасига киритган. Шунингдек, Ерга Хеопс пирамидасидан каттароқ астероид яқинлашгани, АҚШда Ерга жуда яқин масофадан учиб ўтган метеорит видеога олингани, Хитойга улкан метеорит қулагани ҳақида хабар берилганди.
Изоҳ (0)