Аксарият хотин-қизлар гўзаллик қурбонлик талаб қилади, деган фикрда. Аммо тор кийим ва пойабзаллар, оғир аксессуарлар саломатликка жиддий зарар етказиши уларни даволаш эса осон бўлмаслиги мумкин.
Учли туфли
Учли туфлилар, пошнали оёқ кийим сингари хавфли бўлиши мумкин. Бундай моделнинг уч қисми торлиги ҳисобига оёқнинг бармоқлари сиқилиб қолади. Кун давомида вазннинг оғирлиги товонга тушиб, қавариш ва бармоқлар орасидаги нервларнинг шикастланишига олиб келиши мумкин.
Ўлчами катта пойабзал
Аксарият ҳолларда юлдузлар қадоқ ва шишларнинг олдини олиш учун тадбирларга 1-2 ўлчамга катта пойабзал кияди — қисиб турмагани ҳисобига қон айланишига халал бермайди, деб ўйлайди. Аммо бир марта кийиш ўртасида фарқ бор. Гап шундаки, катта ўлчамли туфли қадам ташлашнинг ўзгаришига таъсир қилади. Юрганда катталиги ҳисобига оёқдан чиқиб кетиши, оқибатда бармоқлар қайрилиши мумкин. Бу эса қадоқ пайдо бўлиши, шунингдек, товонлар кейинроқ эса тизза, бел ва бўйин билан боғлиқ муаммоларга олиб келади.
Пластикдан ишланган шаффоф оёқ кийим
Шаффоф, пластикдан ишлаб чиқарилган пойабзал машҳурлар орасида кенг тарқалган. Чиройли кўрингани билан бундай моделни ҳадеб киявермаган яхши. Ҳавони ўтказмагани сабаб пойабзалнинг ички қисмида замбуруғ ва бактерия кўпайиши учун мос муҳит ҳосил бўлади. Оёқлар бир зумда терлайди ва қадоқлар пайдо бўлади.
Балетка
Оёқ кафтлари учун унчалик қулай бўлмагани учун бундай модель ҳам тизза ва қомат билан боғлиқ муаммоларга олиб келади. Қолаверса, таг қисми ингичка бўлгани сабаб юрганда ердаги тош ва ўнқир-чўнқирлар сезилади. Тўсатдан қиррали нарсани босиб олиш эса хавфни янада орттиради.
Оғир тақинчоқлар
Йирик зираклар образни чиройли кўрсатгани билан, ҳамиша нимагадир илиниб қолиб қулоқни шикастланишига олиб келиш хавфи юқори бўлади. Қолаверса, оғирлиги ҳисобига қулоқ тортишиши ва чўзилиши бу эса терининг эрта қаришига олиб келиши мумкин.
Ҳаддан ортиқ тор либос
Жуда ҳам тор бўлган либосни доим ва узоқ вақт давомида кийиш терини безовта қилиши бу эса ўз навбатида инфекция тушишига олиб келиши мумкин. Шунингдек, ҳаддан ортиқ равишда танани сиққани учун қон айланишини ёмонлашиб, ошқозон-ичак трактида муаммо кузатилади.
Бел қисми тор шимлар
Бел қисми юқори турадиган, тор шим ва жинсилар ошқозонда муаммо пайдо бўлиши ҳамда кислотали рефлюкс (кислотанинг ошқозондан қизилўнгачга кириб бориши)га олиб келиши мумкин. Бундай кийим кийган одам ўтирганда камар ичакларга босим ўтказади. Тор кийим сиқиб турганига ўрганиб қолгани учун мушаклар унчалик фаол бўлмайди. Организмда муаммо кузатилади ва бу бел соҳасида оғриқлар келтириб чиқаради.
Изоҳ (0)