Louis Vuitton дизайнерлари 90 фоизи қайта ишланган материаллардан ташкил топган кроссовкани ишлаб чиқишга муваффақ бўлди. Мазкур ўзига хос моделга Charlie деб ном берилган.
Нафақат эркаклар, балки аёллар учун ҳам мўлжалланган оқ кроссовка, икки хил – калта ва тепа қисми баландроқ турадиган вариантда тақдим этилган. Charlie’нинг устки қисми қайта ишланган полиэстер ва biopolioli деб номланган маккажўхори асосидаги пластик қатлам билан қопланган.
Таг қисми 94 фоиз қайта ишланган каучукдан иборат пойабзалнинг боғичлари 100 фоиз қайта ишланган нейлондан ташкил топган. Ички тагчарм ҳамда астар асосида қайта ишланган полиуретан ва полиэстер борлигини кўриш мумкин.
Қайта ишланган қути ичига жойланадиган кроссовкаларни 12 ноябрдан бошлаб бренднинг расмий сайти орқали сотиб олиш мумкин бўлади.
Мавзуга доир:
- Аdidas 80 йиллар фильмидан илҳомланиб, мўйнали кроссовкаларни сотувга чиқарди
- Канье Уэст Yeezy кроссовкаларининг янги модели сурати билан бўлишди. Пойабзал ижтимоий тармоқда мемга айланди
- Balenciaga 5390 долларлик кроссовкани тақдим этди. У кийишга мўлжалланмаган
- Reebok ўйинчоқ аскарчалардан илҳомланган ҳолда яратилган кроссовка моделини тақдим қилди
Изоҳ (0)