Дубайга дам олиш учун ташриф буюрган сайёҳлар араб аёлларининг жазирама эканига қарамай, қора кийиниб юрганига гувоҳ бўлади. Бунинг сабаби нима билан боғлиқ экани ҳақида бундан етти йил аввал Дубайга кўчиб ўтган, араб миллатига мансуб инсонга турмушга чиққан ва эндиликда ушбу мамлакатдаги ўзига хос жиҳатлар билан бўлишиб келадиган блогер Алия TikTok саҳифасида жавоб берган.
Бир неча асрлардан бери арабларда аёллар эркакларнинг сояси ҳисобланиб келган. Шунинг учун улар кўзга ташланмаслик мақсадида ўта камтарона кийиниши керак.
Анъанавий либоснинг қора ранги аёллар қоматини яширишга ёрдам беради. Европаликларни бу шокка солиши мумкин, аммо бегона эркакларнинг эътиборини ўзига тортиш ва қизиқиш уйғотиш Дубай аёллари учун ножоиз ҳисобланади.
Шарқона анъаналар билан ҳаммаси тушунарли бўладиган бўлса, бошқа факт кишини ҳайратга солади: Дубайдаги ёз кунлари термометр устуни юқори даражани кўрсатади. Маълумки, қора ранг қуёш нурларини ўзига тортади. Бир қарашда бундай тун рангидаги қора, узун либосда нозик жинс вакиллари иссиқдан лоҳас бўладигандек кўриниши мумкин. Аммо асло бундай эмас.
Анъанавий аёллар либоси тана учун ёқимли бўлган ва салқин эффект ҳосил қиладиган сифатли шойи матосидан тикилади ва бундай кийимда одам исиб кетмайди.
Мавзуга доир:
- Шарқона гўзаллик: араб қизлари кўзларини қандай бўяйди?
- Ҳамма гап табиийликда: Араб қизлари жозибасининг сири нимада?
- Шарқ мамлакатларида гўзаллик тимсолига айланган бюти-блогерлар (фото)
- Голливуд юлдузларидан ҳам яхшироқ кийинадиган Саудия маликаси (фото)
- Япон аёллари сарвқомат ва ёш кўриниш учун нима ейди?
Изоҳ (0)