Obraz muvaffaqiyatli chiqishi va qimmat ko‘rinishi uchun ortiqcha pul sarflashga hojat yo‘q.

O‘z o‘lchamiga mos libos kiyish

Qomatga mos tanlangan libos obrazning muvaffaqiyatli chiqishiga hissa qo‘shadi. Kiyimlarning tor turishi arzon ko‘rsatish bilan birga kamchiliklarni ko‘zga tashlanishiga sabab bo‘ladi.

Print

Katak-katak, xol-xol singari printli kiyimlar klassik uslubda, oq-qora rangda bo‘lgani yaxshi.

Sifatli mato

Yaxshi sifatli matodan tikilgan libos bilan obraz o‘ziga xos ko‘rinadi. G‘ijim va arzon matoli kiyimlar esa aksincha.

Rang borasida e’tiborli bo‘ling

Kiyim-kechakning oq rangdagisini tanlang. Boshdan oyoq oq kiyinish sizni bashang va didli ko‘rsatadi.

Och rangli kiyim-kechak

Och rangli liboslarni bir-biriga moslash sizni boshqalardan ajralib turishingizga sabab bo‘ladi.

Qora rang

Qora liboslar sizni yanada go‘zal ko‘rsatishi aniq. Faqat buning uchun sifatli mato va sipo bichimdagisini tanlash kerak. Yupqa, bo‘shashgan matodan tikilgan mazkur rangdagi kiyimlar esa didsiz ko‘rinishingizga sabab bo‘ladi.

Poyabzal va aksessuar

To‘q rangli bachkana bo‘lmagan aksessuarlar bilan hamma vaqt qimmat ko‘rinishga ega bo‘lish mumkin. Qaymoq rang va qora uchli tuflilar qanday poyabzal tanlashni bilmaganlar uchun ayni muddao.

Keng bichimli koftalar

Keng bichimli koftalar tor variantlardan ko‘ra ancha chiroyli turadi.

Ortiqcha bezaksiz kiyimlar

Bichimi oddiy, sifatli matodan tikilgan liboslar sizni kiyinish borasida didingiz yuqori ekanidan darak beradi.

Yaltiroq bo‘lmagan liboslar

Kundalik kiyiladigan shim, yubka, ko‘ylaklar ortiqcha e’tibor tortmaydigan, yaltiramagan matodan tikilgani yaxshi.

Klassik, murakkab va romantik uslubda kiyinish

Aynan mazkur uslubda kiyingan ayol va qizlarning obrazi esda qolarli bo‘ladi. Ammo boradigan joyga qarab kiyinish, shundan kelib chiqib tanlov qilish kerak.

Ipak matosidan tikilgan kofta

Ipak matodan tikilgan bluzkalar bilan jozibali va o‘ziga xos ko‘rinishga ega bo‘lasiz.

Oq va kulrang kostyum

Garderobdagi mazkur kiyim hech qachon urfdan qolmaydi va hamisha hashamatli ko‘rinishga sabab bo‘ladi.

“Zapax”li palto

MaxMara tomondan taqdim qilingan qaymoq rangli “zapax”li palto moda ixlosmandlari va blogerlar uchun allaqachon sevimliga aylangan.

Trench

Trench istalgan libos bilan moslash mumkin bo‘lgan va hammaga yarashadigan eng universal kiyimlardan biri.

Keng bichimli shimlar

Bunday bichimli shimlar nafaqat chiroyli ko‘rsatadi, balki qulayligi bilan ham barcha uchun sevimliga aylanadi. Uni istalgan kiyim — top, sviter va istalgan bichimli boshqa kofta bilan moslasa bo‘ladi. Uni kiygandan keyin bel qismiga urg‘u berishni unutmaslik kerak.

Jinsi

Och yoki qora rangli jinsi shim qomatni chiroyli ko‘rsatadi, uni klassik bichimli kostyumlardan tortib, sport uslubidagi ustki kiyimlar bilan ham moslasa bo‘ladi.

Sumka

Qattiq sumkalar, shakli noaniq va yumshoq variantlardan ko‘ra ming marta yaxshi ko‘rinadi. Qolaversa sumka tanlaganda hamma obrazga mos bo‘lishi uchun ortiqcha bezaklarsiz modellarni tanlang.

O‘ziga xos aksessuar va taqinchoqlar

Minimal uslubdagi geometrik shaklli aksessuarlar bashang ko‘rinishingizning garovi. Kichkina dumaloq zirak, ingichka kamarli soat va boshqa detallar oddiy obrazni ham qiziqarli ko‘rsatadi.

Soch turmagi

Aksariyat qizlarga uzun soch turmagi yarashadi, ammo bunday soch hammaga ham yarashavermaydi, qolaversa eplashni o‘zi bo‘lmaydi. Shu sabab ham yarashadigan kaltalikda kestirib yurish, soch rangi maksimal darajada tabiiy bo‘lishiga e’tibor qaratish kerak.

Manikyur

French, teri rangidagi va to‘q qizil rangli manikyur eng universal variant.

Tartibli ko‘rinish

Yaltiragan sochlar, chiroyli tish va toza teri obrazning muvaffaqiyatli chiqishi va istalgan kiyimning yarashib turishiga sabab bo‘ladi.