Audi RS 3 Нюрбургрингда янги тезлик рекордини ўрнатди (видео)

Audi компанияси янги RS 3 Нюрбургрингдаги энг тезкор ихчам автомобилга айланганини маълум қилди, деб хабар беради Motor. Ушбу модель 20,8 километрли трассани 7 дақиқа 40,748 сонияда босиб ўтиб, ўзидан олдинги рекордчи Renault Megane RS Trophy-R’нинг натижасидан 4,64 сонияга яхшироқ натижани қайд этган.

Рекорд 2021 йилнинг июнида — Audi RSС 3’нинг расмий тақдимотидан олдин ўтказилган, шу сабабли видеодаги автомобиль камуфляж плёнаски билан қопланган. Бундан модель модификация қилинган: седан хавфсизлик каркаси ва спорт автомобиллар учун мўлжалланган олд ўриндиқлар, шунингдек, GPS-тизим ва камераларни назорат қилувчи датчиклар билан жиҳозланган. Рекорд ўрнатиш вақтида RS 3’ни Audi Sport ҳайдовчиси Фрэнк Стипплер бошқарган.

Седан 394 от кучини тақдим этишга қодир қаторли бешта цилиндрга эга 2,5 литрли TFSI двигатели ёрдамида ҳаракатга келади. У етти поғонали «робот» узатмалар қутиси ёрдамида бошқарилади.

RS 3 соатига 100 километр тезликка 3,8 сонияда эришади, максимал тезлиги эса созламаларига боғлиқ бўлиб, 250—290 километр/соатни ташкил этади.

Аввалроқ янги Porsche Cayenne Coupe кроссовери «SUV, off-road, vehicle, ван, pock-up» йўналишлари бўйича Нюрбургринг рекордини ўрнатган эди.