Краснодарда Ваган Микаэлян исмли муҳандис ижтимоий тармоқлардаги саҳифасига навбатдаги ихтиросининг видеосини жойлаштирди. У бу сафар оддий «ВАЗ-2106» автомобилини ҳаракатланувчи ҳақиқий огнемётга айлантирган. Ўз ихтиросини «Аждар» деб номлаган эркак автомобиль жангларида қатнашишни ният қилган, деб хабар беради Motor.
«ВАЗ-2106» автомобилини «Аждар»га айлантириш учун муҳандис машина юкхонасига ичига бензин тўлдирилган тўртта канистрни жойлаштирган ва уларни шланг билан ўзаро бирлаштирган. Механик оловни олд фаралар орқали пуркашга қарор қилган. Натижада модификацияга учраган автомобиль ғилдираклар устидаги ҳақиқий онгемётга айланиб қолган.
Микаэляннинг сўзларига кўра, «Жигули»нинг модернизацияси тасодифан танланмаган. Механик ноодатий машинани автомобиль жанглари беллашувларида синаб кўриш ниятида. Олов пуркайдиган «Аждар» автожангларда рақиб иштирокчиларни ёқиб юборади.
https://www.instagram.com/p/CSABqEVobf7/
Эслатиб ўтамиз, 2020 йилда Коста-Рикада «ВАЗ-2106» JDM услубида қайта йиғилаётгани, америкалик эркак эски «ВАЗ-2105»ни 500 от кучига эга «махлуқ»қа айлантиргани тўғрисида хабар берилганди.
Изоҳ (0)