Қашқадарё вилояти Қамаши туманида Nexia автомобили йўлдан ўтаётган пиёдани уриб кетиб, воқеа жойидан яширинган. Бу ҳақда вилоят ИИБ хабар қилди.
Қайд этилишича, 2021 йил 25 июль куни соат 22:00 ларда Қамаши тумани ҳудудидан ўтувчи 4Р86 Лангар–Майданак автомобиль йўлининг 9-километрида Nexia русумли автомашина ҳайдовчиси йўлнинг қатнов қисмидан кесиб ўтаётган пиёдани уриб юбориб, унинг ҳаётини хавф остида қолдириб, воқеа жойидан яширинади.
Оқибатда пиёда олган тан жароҳатлари туфайли воқеа жойида вафот этади.
Аниқланишича, ҳайдовчи маст ҳолатда автомобиль бошқарган.
Мазкур ҳолат юзасидан Қамаши тумани ИИББ Тергов бўлими томонидан Жиноят кодексининг 266-моддаси 2-қисми (одам ўлимига сабаб бўлган транспорт ҳаракати қоидаларини бузиш) ва 117-моддаси 2-қисми (хавф остида қолдириш) билан жиноий иш қўзғатилиб ҳозирда суриштирув ҳаракатлари олиб борилмоқда.
Бундан аввал Самарқандда автобус ағдарилиши оқибатида 2 йўловчи вафот этди, 5 нафари шифохонага ётқизилгани, Самарқандда Lacetti катта тезликдан йўл ёқасидаги уйга урилиши оқибатида ҳайдовчи ва йўловчи вафот этгани ҳамда Андижонда Damas ва иккита Nexia иштирокида содир бўлган ЙТҲ оқибатида 26 ёшли йўловчи ҳалок бўлгани ҳақида хабар берилганди.
Изоҳ (0)