Янгиланган Tesla Model S ноодатий шаклдаги — юқори планкаси йўқ бурчакли U-симон штурвалга эга бўлган. Ушбу қарорнинг ёқлаганлар билан бирга, унга қарши чиққанлар ҳам бор, шу сабабли Tesla оддий рулни тақдим этиши ёки мазкур тажрибадан воз кечиши ҳақида миш-мишлар тарқалган. Аммо компанияси раҳбари Илон Маск буларнинг барчасини рад этди ва Tesla’га оддий руль чамбараги бошқа қайтмаслигини маълум қилди, деб хабар беради Motor.
Car & Driver нашри АҚШ Йўл ҳаракати хавфсизлиги миллий бошқармасига ҳолат бўйича мурожаат қилган, бироқ амалдорлар автомобилларни сотувга чиқмагунига қадар «маъқулламаслиги» ва «тестдан ўтказмаслиги»ни маълум қилган, чунки амалдаги хавфсизлик нормаларига кўра, унга ишлаб чиқарувчи масъул. Айни вақтда АҚШдаги бирор стандарт руль шаклини белгиламайди — автомобиль ишлаб чиқарувчи у йўловчилар ҳимояси борасидаги барча талабларга мос келишини кафолатласа бўлгани.
Штурвал тарафдорларининг сўзларига кўра, унинг бошқарув ёки хавфсизлик борасида оддий рулдан фарқ қилмайди. Янгиланган Model S эгаларининг айтишича, штурвалга анча тез мослашиш мумкин ва у атрофни кузатишга халақит бермайди, айримлар эса машинани автотураргоҳда қўйишда қийинчиликка учрамоқда. Шунингдек, кўплаб харидорлар митти сенсор тугмаларини ҳам танқид қиляпти. Аммо штурвалнинг фойдасига хизмат қиладиган асосий баҳона — унинг футуристик дизайни: Tesla эгаларига оддий машиналардан ажралиб туриш ёқади.
Аввалроқ энг тезкор Tesla соатига салкам 100 км тезликка 1,99 сонияда эришгани, Tesla Model S Plaid’нинг ғайриоддий рули шаҳар шароитида бошқаришда жуда ноқулай бўлиб чиққани тўғрисида хабар берилганди.
Мавзуга доир: Tesla электрокарлари рус тилида «гапиришни» бошлади
Изоҳ (0)