Наманган вилоятида 3 та машина иштирокида йўл-транспорт ҳодисаси содир бўлди, дея хабар бермоқда вилоят ИИБ.
Қайд этилишича, 2021 йил 25 июль куни соат 06:30 ларда, Косонсой–Исковат йўлининг 4-километрида, Косонсой тумани «Жар» МФЙ ҳудудида, Damas русумли автомашинасини бошқариб бораётган фуқаро (Косонсой туманида яшовчи, 1992 йилда туғилган фуқаро), ҳаракат хавфсизлигини таъминлай олмай, қарама-қарши йўналишда ҳаракатланиб келаётган, фуқаро (Косонсой туманида яшовчи, 1973 йилда туғилган) бошқарувидаги «ВАЗ-2106» русумли автомашинаси билан тўқнашиб кетган.
Шундан сўнг бошқарувни йўқотиб, йўлни қарама-қарши томонига ўтиб кетиб, қаршисидан ҳаракатланиб келаётган, фуқаро (Косонсой туманида яшовчи, 1969 йилда туғилган) бошқарувидаги «ВАЗ-2106» русумли автомашинаси билан тўқнашган.
Оқибатда ВАЗ-2106 русумли автомашина ҳайдовчиси ўнг томон қовурға суягини ёпиқ синиши ташхиси билан тан жароҳати олиб, шифохонага ётқизилган ҳамда шу автомашинада бўлган йўловчи (Косонсой туманида яшаган, 1971 йилда туғилган) олган тан жароҳати оқибатида воқеа жойида вафот этган.
Ушбу ҳолат бўйича Косонсой туман ИИБ ҳузуридаги ТБ томонидан 2021 йил 25 июль куни Жиноят кодексининг 266-моддаси 2-қисми (одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Бундан аввал Қамчиқ довонида Captiva йўл четига ағдарилиши оқибатида 5 киши жароҳатлангани, Қашқадарёда юк машинаси йўлига чиқиб кетган Nexia ҳайдовчиси ЙТҲ оқибатида ҳалок бўлгани ҳамда Наманганда икки Damas тўқнашуви оқибатда тўрт яшар қизалоқ ҳалок бўлгани ҳақида хабар берилганди.
Изоҳ (0)