Тошкент шаҳар Чилонзор туманида тадбиркорнинг 763 миллион сўмлик мулкини ўзлаштирган шахсларга нисбатан жиноий иш очилди, дея хабар бермоқда Бош прокуратура ҳузуридаги департаментнинг матбуот хизмати.
Қайд этилишича, департаментнинг Чилонзор туман бўлими томонидан ўтказилган терговга қадар текширувда «Г» МЧЖ омбор мудири Ҳ.З., ҳайдовчиси Ш.Х. ва бошқалар олдиндан тил бириктириб, ўзига ишониб топширилган 763 миллион сўмлик тиббий буюм ҳамда дори воситаларини бошқа шахсларга сотиб юбориб, жамият мулкини ўзлаштириш йўли билан талон-торож қилганликлари аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)