Республика олий таълим кенгаши раиси, Тошкент ирригация ва қишлоқ хўжалигини механизациялаш муҳандислари институти ректори, иқтисод фанлари доктори, профессор Ўктам Умурзоқов вафот этди. Бу ҳақда институт матбуот хизмати хабар берди.
Ўктам Умурзоқов Тошкент ирригация ва қишлоқ хўжалигини механизациялаш муҳандислари институтида 1974 йилдан буён турли лавозимларда ишлаган. 2017 йил 26 майдан ҳозирга қадар ушбу институтга ректорлик қилиб келаётган эди.
Маълумот учун, Ўктам Умурзоқов 1952 йил 20 августда Сирдарё вилоятида туғилган. У бош вазир ўринбосари — инвестициялар ва ташқи савдо вазири Сардор Умурзоқовнинг отаси.
Изоҳ (0)