Toshkent shahar Chilonzor tumanida tadbirkorning 763 million so‘mlik mulkini o‘zlashtirgan shaxslarga nisbatan jinoiy ish ochildi, deya xabar bermoqda Bosh prokuratura huzuridagi departamentning matbuot xizmati.
Qayd etilishicha, departamentning Chilonzor tuman bo‘limi tomonidan o‘tkazilgan tergovga qadar tekshiruvda “G” MChJ ombor mudiri H.Z., haydovchisi Sh.X. va boshqalar oldindan til biriktirib, o‘ziga ishonib topshirilgan 763 million so‘mlik tibbiy buyum hamda dori vositalarini boshqa shaxslarga sotib yuborib, jamiyat mulkini o‘zlashtirish yo‘li bilan talon-toroj qilganliklari aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Buxoroda “Asakabank” sobiq mansabdorlari Osiyo taraqqiyot banki ajratgan 2 mln dollarni talon-toroj qilgani aniqlandi
- Jizzaxda 123 mln so‘m kredit mablag‘larni talon-toroj qilib o‘zlashtirgan rahbarga jinoiy ish qo‘zg‘atildi
- O‘zbekistondagi ikkita OTM buxgalterlari 22,5 mlrd so‘mni o‘zlashtirilgani aniqlandi
Izoh (0)