Сирдарё вилоятининг Сирдарё туманида содир бўлган йўл-транспорт ҳодисаси оқибатида бир ҳайдовчи вафот этди, деб хабар беради ИИВ ЙҲХББ ахборот хизмати.
Маълум қилинишича, 23 июль куни соат 06:00 М-34 автомобиль йўлининг туман ҳудудидан кесиб ўтувчи 75-километрида Самарқанд—Тошкент йўналиши бўйлаб ҳаракатланиб кетаётган «ГАЗ-53» юк машинаси йўлнинг ўнг томонидаги дарахтга келиб урилган. Оқибатда юк машинаси салонида бўлган йўловчи тан жароҳати олиб шифохонага ётқизилган, ҳайдовчи эса воқеа жойида вафот этган.
Таъкидланишича, аварияга йўлнинг торлиги, шунингдек, ҳайдовчи ухлаб қолгани сабаб юзага келган.
Аввалроқ Сурхондарёда ҳайдовчининг ухлаб қолиши оқибатида Damas тут дарахтига бориб урилгани ва йўловчи вафот этгани, Наманганда ухлаб қолган Nexia ҳайдовчиси ЙТҲ оқибатида ҳалок бўлгани, Самарқандда ухлаб қолган Cobalt ҳайдовчиси ўзидан олдинги «КамАЗ»га урилиши оқибатида икки йўловчи вафот этгани тўғрисида хабар берилганди.
Изоҳ (0)