Дунё ва ўзбек спортига оид 22 июль кунининг муҳим хабарлари дайжести билан танишинг.
Ўзбекистон
Япониянинг Токио шаҳрида 23 июль, жума кунидан бошлаб Олимпиада ўйинлари старт олади. 22 июль куни қатор ўзбекистонлик спортчилар ўз рақиблари ким бўлишини билиб олди. Хусусан, 24 июль санасида бошланадиган бокс мусобақаларига қуръа ташланди ва ўзбекистонлик боксчиларнинг дастлабки босқичдаги рақиблари номи маълум бўлди:
Эркаклар:
-52 кг: Шаҳобиддин Зоиров—Чифтчи Батухан (Туркия);
-57 кг: Миразизбек Мирзахалилов—Хосе Куилес (Испания) / Курт Уолкер (Ирландия);
-63 кг: Элнур Абдураимов—Чинзориг Баатарсухин (Мўғилистон);
-69 кг: Бобоусмон Ботуров—Поландо Роҳан (Доминикан Республикаси);
-75 кг: Фанат Қаҳрамонов—Гиорги Харабадзе (Грузия);
-81 кг: Дилшод Рўзметов—Эмметт Бреннан (Ирландия);
-91 кг: Санжар Турсунов—Абдулхафид Бенчабла (Жазоир);
+91 кг: Баҳодир Жалолов—Муҳаммад Абдуллаев (Озарбайжон) / Данис Латипов (Баҳрайн).
Аёллар:
-51 кг: Турсуной Раҳимова—Сандра Драбик (Польша);
-60 кг: Райҳона Қодирова—Наоми Юмба (Конго ДР);
-69 кг: Шаҳноза Юнусова—Каролина Коцевска (Польша).
Шунингдек, дзюдо бўйича баҳсларга ҳам қуръа ташланди.
Эркаклар:
-60 кг: Шарофиддин Лутфуллаев биринчи даврадан озод қилинган, иккинчи даврада Артём Лесиук (Украина) / Хосе Рамов (Гватемала) ғолибига қарши
-66 кг: Сардор Нуриллаев—Денис Виеру (Молдова);
-73 кг: Ҳикматиллоҳ Тўраев—Игорь Вантдеке (Германия);
-81 кг: Шарофиддин Болтабоев—Уго Кумбо (Ванатау);
-90 кг: Давлат Бобонов—Николас Мунгаи (Италия);
-100 кг: Муҳаммадкарим Хуррамов—Бенжамин Флетчер (Ирландия);
+100 кг: Бекмурод Олтибоев—Дуренбаяр Улзибаяр (Мўғулистон).
Аёллар:
-52 кг: Диёра Келдиёрова—Сосорбарам Лхагвасурен (Мўғилистон);
-63 кг: Фарангиз Ҳожиева—Сандрин Биллет (Кабо-Верде);
-70 кг: Гулноза Матниязова—Демос Мемнелоум (Чад).
Дзюдо беллашувлари 24 июль куни эркаклар ўртасидаги -60 кг ҳамда аёллар ўртасидаги -48 кг вазн тоифаларидаги баҳслар билан бошланади. Шу куннинг ўзида ҳар икки вазн тоифасида Олимпия чемпионлари аниқланади.
Теннисчи Денис Истомин эса мусобақадаги иштирокини ҳиндистонлик Сумит Нагалга қарши бошлайди. Истомин Сумит тўсиғидан ўтадиган бўлса, иккинчи даврада россиялик Даниил Медведев ҳамда қозоғистонлик Александр Бублик ўртасидаги учрашув ғолиби билан куч синашади.
Ўзбекистон таэквондо терма жамоасининг тўрт аъзоси ҳам мусобақадаги илк рақибларини билиб олди.
-68 кг: Улуғбек Рашидов—Сейду Фофана (Мали);
-80 кг: Никита Рафалович—Мойзес Эрнандес (Доминикан);
-67 кг: Нигора Турсунқулова—Жанг Менгю (Хитой);
+67 кг: Светлана Осипова—Жансел Дениз (Қозоғистон).
Ҳасанбой Дўстматовнинг навбатдаги жанги санаси маълум бўлди. Профессионал бокснинг биринчи ўта енгил вазн тоифасида (-48,9 кг) рингга чиқаётган Ҳасанбой Дўстматов (3-0, 3 КО) ўзининг навбатдаги жангини 28 август куни Москва шаҳрида ўтказади. Ҳасанбойнинг бу жанги 8 раундга мўлжалланган. Ҳозирча рақиб номи маълум эмас.
Элдор Шомуродовнинг ушбу трансфер ойнасида «Женоа»дан кетмаслиги аниқ бўлди. «Матч ТВ» нашрига кўра, генуяликлар бош мураббийи Давиде Баллардини 26 ёшли ўзбекистонлик футболчини сотишни тақиқлаган. Шунингдек, Шомуродовнинг ўзи ҳам бошқа жамоага ўтишни режалаштирмаяпти.
Жаҳон
Олимпиада мавзусидан узоқлашмаймиз. 22 июль куни мусобақанинг футбол баҳслари старт олди.А гуруҳида Франция Мексикага йирик ҳисобда мағлуб бўлди. Япония эса ЖАРдан устун келди. Жанубий Корея Янги Зеландияга минимал ҳисобда ютқазиб қўйди. B гуруҳидаги иккинчи ўйинда Руминия Гондурасни таслим этди.
C гуруҳида Аргентина Австралияга енгилди, Испания эса Миср билан нурсиз дурангга имзо чекди.
D гуруҳида Бразилия Германияни енгди, гуруҳнинг иккинчи ўйинида Саудия Арабистони Кот-д’Ивуарга мағлуб бўлди. Футбол бўйича Олимпиаданинг илк кунги ўйинлари ҳақида бу ерда батафсил ўқиш мумкин.
Еврофутбол
Италия футбол федерацияси Илмий-техник қўмитаси аъзоси Франческо Браконаро «Интер» ярим ҳимоячиси Кристиан Эриксенга кардиовертер-дефибриллятор жойлаштирилгандан сўнг унинг А Серияда ўйнай олмаслигини маълум қилди. Football Italia’нинг ёзишича, агар дефибриллятор олиб ташланса, Эриксенга ҳеч қандай тақиқ қўйилмайди.
«Арсенал» «Лестер» ярим ҳимоячиси Жеймс Мэддисонни сотиб олиш борасида бош қотирмоқда, деб хабар беради Daily Mail.
24 ёшли англиялик футболчи «канонирлар» бош мураббийи Микель Артетанинг асосий мақсадига айланган. «Лестер» Мэддисон учун 50 миллион фунтдан кўпроқ маблағ сўрамоқчи, аммо «Арсенал» нархни пасайтириш учун бир қанча футболчиларини битимга қўшмоқчи.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)