Халқаро олимпия қўмитаси 6 та спорт турини Олимпия ўйинлари рўйхатига киритди

Халқаро Олимпия қўмитасининг (ХОҚ) Токиодаги сессиясида олтита халқаро спорт федерацияси қўмита аъзолигига қабул қилинди.

Самбо халқаро федерацияси (FIAS), Халқаро черлидинг иттифоқи (ICU), Халқаро муай-тай ассоциатлари федерацияси (IFMA), Халқаро айсштокспорт федерацияси (IFI), Бутунжаҳон кикбоксинг ташкилотлари ассоциацияси (WAKO), Бутунжаҳон лакросс федерацияси (WL) ХОҚнинг рўйхатидан ўтди.

Шу тариқа самбо, черлидинг, муай-тай, айсшток (қишки спорт тури), кикбоксинг ва лакросс кейинги Олимпия ўйинлари спорт турлари рўйхатидан ўрин олиши мумкин.

Эслатиб ўтамиз, 23 июль куни Токио—2020 Олимпиадаси очилиш маросими бўлиб ўтади. Мусобақа 8 августга қадар давом этади. Ўзбекистон делегацияси 17 та спорт тури бўйича 65 та йўлланмага эга бўлган.