Тошкент шаҳри Миробод туманида 20 ёшли ҳайдовчи бошқарувидаги Tracker пиёдани уриб кетди, дея хабар бермоқда шаҳар ИИББ матбуот хизмати.
Қайд этилишича, 2021 йил 13 июль куни соат 06:40 ларда Миробод туманидаги Нукус ва Миробод кўчалари кесишмасида Tracker автомобилини (давлат рақами 01 Х 814 АБ) бошқариб борган 20 ёшли Л.З. исмли аёл бошқарувни йўқотиб 56 ёшли пиёда М.Я.ни уриб юборган.
Пиёда бадан шикастлари оқибатида воқеа жойида ҳаётдан кўз юмган.
Тошкент шаҳар ИИББ Тергов бошқармаси томонидан ҳайдовчига нисбатан Жиноят кодексининг 266-моддаси 2-қисми (одам ўлимига сабаб бўлган транспорт ҳаракати қоидаларини бузиш) бўйича жиноят иши қўзғатилган. Ҳозирда тергов ҳаракатлари олиб борилмоқда.
Бундан аввал Наманганда Nexia уриб юбориши оқибатида 7 ёшли бола вафот этгани, Наманганда Damas билан тўқнашган Labo ҳайдовчиси вафот этгани ҳамда Қорақалпоғистонда автобус ва юк машинаси иштирокида содир бўлган ЙТҲ оқибатида икки киши ҳалок бўлгани ҳақида хабар берилганди.
Изоҳ (0)