Сурхондарё вилояти Шўрчи туманида Nexia ҳайдовчиси ЙПХ ходимини уриб кетди, дея хабар қилмоқда вилояти ИИБ.
Қайд этилишича, Шўрчи туманида 2021 йилнинг 12 июль куни соат 17:25 ларда «Наврўз» маҳалласи ҳудудидан ўтувчи 4К-492 автомобиль йўлининг 2-километрида «Яккабоғ» маҳалласида яшовчи 1995 йилда туғилган фуқаро Х.Ф. бошқарувидаги Nexia автомашинани бошқариб келиб, хизмат фаолиятини олиб бораётган йўналиши бўйича йўлни ўнгдан чапга кесиб ўтаётган вилоят ИИБ Йўл ҳаракати хавфсизлиги бошқармаси йўл-патруль хизмати отряди 4-сафарбарлик гуруҳи йўл-патруль хизмати инспектори Э.Ф.нинг тўхташ ишорасига амал қилмасдан ўз ҳаракатини давом эттириб, инспектор Э.Ф.ни автомашинасининг олд қисми билан уриб юборган.
Оқибатда инспектор Э.Ф. ҳаёт учун хавфли бўлган оғир тан жароҳати олиб касалхонага ётқизилган.
12 июль куни Х.Ф.га нисбатан Жиноят кодексининг 219-моддаси 2-қисми (ҳокимият вакилига ёки фуқаровий бурчини бажараётган шахсга қаршилик кўрсатиш) ва 266-моддаси 1-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, Жиноят-процессуал кодексининг 221-моддаси тартибида ушланиб, қамоққа олиш эҳтиёт чораси қўлланилган.
Бундан аввал Жиззахда ЙПХ ходимини уриб, унинг «погон»ини ечиб олган ҳайдовчи ҳибсга олингани, Жиззахда ЙҲХБ ходимига қаршилик кўрсатиб, унинг бодикамераси ва телефонини тортиб олган ҳайдовчи ва унинг шеригига нисбатан жиноий иш очилгани ҳамда Тошкентда ИИББ ходимларига тегишли хизмат автомобили ЙТҲга учрагани ҳақида хабар берилганди.
Изоҳ (0)