Сирдарё вилоятида Damas ва Isuzu юк машинаси иштирокида ЙТҲ юз бериб, ҳар икки машина ағдарилди. Бу ҳақда ЙҲХББ матбуот хизмати хабар берди.
Маълум бўлишича, ҳолат 15 июль куни соат 13:00 ларда вилоятнинг Сирдарё тумани ҳудудидан ўтувчи М-34 автомобиль йўлининг 34-километрида юз берган. Сирдарё—Гулистон йўналиши бўйлаб ҳаракатланиб келган Damas ортга қайрилиб олаётганида ортидан бир йўналишда ҳаракатланиб келган Isuzu юк машинаси уриб юбориши оқибатида қарама-қарши томонига чиқиб кетиб ағдарилган.
Isuzu юк машинаси йўлнинг ўнг томонига ағдарилган вақтда шу йўналишдан ҳаракатланиб келаётган Nexia ҳайдовчиси рул бошқарувини йўқотиб, йўл четидаги темир тўсиққа урилиб ЙТҲ содир этган.
Тўқнашув оқибатида ҳеч ким тан жароҳати олмаган. Транспорт воситаларига зарар етган. Мазкур ЙТҲ юзасидан Сирдарё ИИБ ЙҲХБ томонидан суриштирув ҳаракатлари олиб борилмоқда.
Аввалроқ Сирдарёда Nexia-3, «Жигули» ва Isuzu юк машинаси иштирокида ЙТҲ юз берганди. Тўқнашув оқибатида дастлабки маълумотларга кўра 2 нафар фуқаро тан жароҳати олган.
Изоҳ (0)